je vous trouvoiie en plache ne en lieu ou je
me peuisse
combatre a vous, je vous remousteroiie
le loiautet que vous m’avés fait. Et ossi li contes
de Herfort et Edouwars li Despensiers. Car par
vos peres avech autres conseilleurs fu traïs a
mort mesires mes peres,
dont il me doit
bien desplaire et l’amenderay quant je poray."
Adont sailli
avant messires Thumas de Saint
Aubin, qui estoit chevaliers dou conte, et se hasta
de parler et dist: "Yeuwain, se vous volés dire
et maintenir, que en monsigneur ait ne euist onc
ques nulle lasquetet
quelconques, ne en monsigneur
son pere, ne qu’il vous doiie foit ne hommage,
met
tés vostre gaage avant, vous trouverés qui
le levera." Dont respondi Yeuwains et dist:
"Vous estes prisonnier, je ne puis avoir nulle
honneur de vous appeller. Vous n’i estes point
a vous.
Ainchois estes a chiaus qui vous ont
pris, et quant vous serés quittes de vo prison, je
parleray plus et avant. Car le cose ne demora
pas ensi." Entre ches parolles se
bouterent
aucun chevalier et vaillant homme d’
Espagne, qui la es
toient, et les deppartirent. Depuis ne demora
mies grant tamps que li quatre amiral dessus
nommet amenerent les prisonniers devers le
chi
tet
de Brurghes en Espagne pour rendre au roy
a qui il
estoiient, qui pour le tamps se tenoii
ent
droit la. Quant li roys
Henris sceut que li dessus
dit venoiient et approchoiient Burghes,
si en
voia son fil ainné, qui s’appelloit Jehans,
et le quel on nommoit pour
le tamps l’enfant
de Castille, a l’encontre des dessus dis et grant
fuison de
chevaliers et d’esquiers pour iauls hon
nerer. Car bien savoit li dis roys quel
use appartenoit a faire. Et il meismes les honne
ra de parolle et de fait, quant il furent venut
dusques a lui. Assés tos en ouvra li roys par
ordenanche et furent espars
en divers lieus
parmi le
royaulme de Castille.
SHF 1-694 sync
Nous retourrons as besoignes de
Poito qui pour che
tamps ne furent mie petites.
Et parlerons comment li chevalier gascon et englés
qui le jour saint Jehan Baptiste au soir i vin
rent, persevererent, ensi que chil
s qui moult courou
chiet furent de chou que le jour devant il
n’estoiient
venut a le bataille et que il n’avoiient trouvet
a point les
Espagnars. Or eurent il entre
iauls conseil et avis quel cose il feroiient
ne u
il se trairoiient. Car ja se commenchoiient il
a doubter de
chiauls de Le
Rochelle. Si ordon
nerent et instituerent monsigneur Jehan d’Ewruez
a estre
senescal de Le Rochelle et li tenir ou dit
castiel de Le
Rochelle a CCC armeures de fier
et le garder. Car tant qu’il en
seroiient signeur
chil de le ville ne s’oseroiient rebeller. Ceste
ordenanche
faite,
messires li Captaus, qui estoit
tous chiés et gouvreneres de ceste chevau
chiie, et messires Thumas de Persi, messires Dagho
risés, messires Richars de Pontcardon, messires
li Soudis, messires Berars
de le Lande et li autre
et leurs routes se deppartirent de
Le Rochelle et pooient estre environ CCCC lanches et prirent
le chemin
de
Subize. Car la avoit
Bretons qui
tenoiient eglises et
petis fors et les avoiient
fortefiiet. Sitos que chil signeur et leurs gens fu
rent la
venut, il les bouterent hors et en deli
vrerent le ditte marche. En che tamps tenoiient
les camps sur les marches d’
Angho, d’
Auver
gne et de
Berri li connestaubles de Franche, li
dus de Berri, li
dus de Bourbon, li contes d’Alen
chon, li dauffins d’Auvergne, messires Loeis
de Saussoirre, li sires de Clichon, li sires
de
Laval, li viscontes de Rohem, li sires de Biau
manoir, et
grant fuison de baronnie de Franche.
Et estoiient plus de trois
mille lanches. Si chevau
chierent tant chil signeur, qui se tenoiient tout au
connestauble, que il entrerent en
Poitau, ou il ti
roiient a
venir. Et vinrent mettre le siege devant
I castiel qui s’appelle Montmorillon.
Sitos
que il furent la venut, il l’assallirent vistement
et radement et le conquirent de
forche. Et furent
mort tout chil qui dedens estoiient, si le ra
fresquirent d’autres
gens. Aprés il vinrent
devant
Cauvegni, qui siet seür le riviere de
Cruesse, et le assegerent et i furent II jours. Au tierch
jour chil de
Cauvegni se rendirent et furent pris
a merchit. En
aprés il chevauchierent oultre
et vinrent devant Leuzach, ou il y a ville et castiel,
si se rendirent tantos sans iauls faire assallir
et puis
s’en vinrent devant la
chitet de Poitiers et gurent une nuit ens es vignes, de
quoi chil
de le chitet estoiient moult esbahy et se doub
toiient a avoir le
siege. Mais non eurent tant
c’a celle fois. Car il se partirent a l’endemain
et se
trairent devant le castiel de Montcon
tour
t, dont
Jehans Cressuelle et David Holegra
ne estoiient capitainne et
avoiient desoubs
iauls bien LX compagnons preus et hardis et
qui
moult avoiient constraint le pas et le mar
che d’
Angho et de
Tourainne. Et ossi toutes
les garnisons franchoises, pourquoi li con
nestaubles dist que il n’entenderoit a autre
cose si l’aroit.
SHF 1-695 sync
Tant esploitierent li connestaubles de
Franche, li dus
de Bourbon, li contes d’A
lenchon, li sires de Clichon, li viscontes de
Rohem, li sires de Laval, li sires de Biauma
noir, li sires de Sulli, et tout li baron, li
chevalier et leurs routes, que il
vinrent devant Mont
contour, I tres biau castiel a sis lieuues de
Poitiers. Quant il furent la venut, si l’assege
rent de grant fachon et se mirent tantos
a l’assallir par boine ordenanche. Et pour
chou que il avoit autour des murs grans
fossés et parfons et qu’il ne pooiient approu
cher les murs de priés a leur aise et vo
lentet, il envoiierent querre et coper par les vil
lains dou paÿs grant fuison de bois et
d’arbres et les firent la amener et aporter
a forche de harnas et de corps et tout
reverser
pb 19 r