cose il avoiient esploitiet et
impetré sans
nulle exception toutes leurs demandes. De
che eurent il grant joiie et
se contenterent gran
dement bien dou roy et de son conseil. Ne
demora
depuis miez trois jours que il mirent ou
vriers en oevre et
firent abatre leur castiel
et mettre tout rés a rés de le terre ne oncques n’y
demora piere sur autre et s’assamblerent la
en le plache en I mont. Depuis en firent
il ouvrer as neccessités de le ville et paver
aucunnes rues qui en devant en
avoiient
grant mestier. Quant il eurent ensi fait,
il manderent au
duch de Berri que il ve
nist la, se il li plaisoit, et que on le recheveroit
volentiers ou nom dou
roy de Franche et
feroiient tout chou qu’il devoiient faire.
Li
dus de
Berri y envoiia
monsigneur Bertran le
connestabule, qui avoit de prendre
le pos
session procuration dou roy de Franche.
Lors se parti de
Poitiers a C lanches li
dis connestaubles a
l’ordonnanche dou
duch
de Berri. Et chevaucha tant qu’il vint en
le
ville de Le Rochelle, ou il fu rechups
a grant joiie et moustra de quoi procuration
dou roy,
son signeur sen signeur, si prist
le foit et l’ommage des hommes de le ville.
Et i sejourna trois jours et li furent faites
toutes droitures, ensi
comme proprement au
roy. Et y rechupt grans dons et biaus pre
sens et
ossi il en donna fuison as dames et
damoiselles. Et quant il eut assés revelet et
jeuet, il se parti de
Le Rochelle et retourna ar
riere a
Poitiers. Ne demora gaires de
tamps puissedi que li roys de Franche en
voia ses messages deviers
Yeuwain de
Galles en lui mandant et
signefiiant que
il le veroit volentiers et sen prisonnier,
le
Captal de Beus. Encores ordonna li roys
en che voiage que li amiraus dou roy
Henry
de Castille, dan Radigho de Rous, se parte
sist a toute se naviie et
retournast en
Espagne. Car pour celle saison il ne le
voloit plus
ensonniier. Ensi se deffist li
armee de mer et retournerent li
Espa
gnol et furent ains leur deppartement
tout seck paiiet de leurs gages tant et
si
bien que il se contenterent grandement dou
roy de Franche et de son
paiiement. Et
Yeuwains de Galles au commandement et orde
nanche dou roy prist le chemin de
Paris et
la amena le
Captal de Beus, dont li roys eut
grant joiie et le quel bien
cognissoit. Car il l’avoit
veüt autrefois, se li fist grant chiere et liie et
le tint en
prison courtoise sans nulle con
strainte. Car volentiers l’euist retraist a sen
amour,
par quoi il feuist retournés Fran
chois et li fist prommettre et offrir grans
dons, grans
hiretages et grans pourfis. Mais
li
Captans n’y vault oncques entendre.
Mais
bien disoit as barons et as chevaliers de Franche
qui le
visetoiient et qui de che l’apparloiient,
que il se ranchonneroit volentiers si grandement
que V ou VI fois plus que sa revenue par an
ne li
valoit. Mais li roys n’avoit point conseil
de che faire. Si demora la cose en cel
estat. Et
fu de premiers mis ou
castiel dou Louvre et
la gardés bien
songneusement. Et le visitoiient
souvent li baron et li chevalier de Franche. Or re
venrons nous as besoignes de
Poito, qui
ne sont
nient encores toutes furniies.
SHF 1-709 sync
Quant li connestaubles de France eut
pris le
saisinne et possession de le
boine
ville de Le Rochelle et il se fu retrais a
Poi
tiers, si eurent conseil li signeur que il se parti
roient de la et
venroiient devant aucuns
castiauls qui estoiient en le marche de
Le Ro
chelle, par quoi la ville, se il se partoiient dou
paÿs, demoroit en plus
segur estat. Car en
cores estoiient englés
Marant,
Surgieres et Fontenay le Contet et couroiient tous les
jours chil de
ches garnisons jusques as portes
de
Le Rochelle et leur faisoiient moult
de destour
biers. Si se partirent de
Poitiers en grant arroy
li
dus
de Berri, li
dus de Bourgongne, li dus de Bour
bon, li daufins d’Auvergne, li sires de Sulli,
li connestaubles de Franche, li mareschaus de Fran
che et bien II mille lanches. Et s’en
vinrent pre
miers devant le castiel de Bouen, si
eust en
estoit
capitainnes depar le
Captal I esquiers d’on
neur de le
contet de Foys, qui s’appelloit Guillonés
de Paus, et uns chevaliers de Naples,
qui se nommoit
messires Jakemes, doi apiert homme d’armes male
ment. Et avoiient la dedens avech iauls des
bons compaignons, qui ne furent nient
trop ef
fraet quant chil signeur et li connestaubles les
eurent assegiés.
Mais se conforterent en che que
bien leur sambloit qu’il estoiient pourveut
assés de
vivres et d’arteilleriie, si furent as
salli pluiseurs fiies. Mais trop bien se deffen
dirent
de II ou de trois assaus a che commen
chement qu’il
eurent. Assés pres de la siet li
garnison de
Surgieres, ou il avoit bien soissante
lanches d’
Englés, tous boins compaignons et
droi
te gent d’armes. Si s’aviserent I jour que de
nuit il venroiient resveillier l’ost
des
Fran
chois et s’aventuroiient se il pooiient riens con
quester. Si
se partirent de
leur fort quant
il fu tout aviespri et chevauchierent devers
Baion et se bouterent environ mienuit en l’ost
et chevauchierent si
avant qu’il vinrent sus
le logeis dou connestauble et la s’aresterent.
Si
commenchierent a abatre et a decoper et blechier
gens qui de che ne se donnoiient
garde, si en
i eut moult de navrés et de mal apparliés. Et
par espetiaul ou logeis dou
connestauble
fu ochis uns siens esquiers d’onneur qu’il a
moit oultre
l’ensaigne. Li hos s’estourmi, on
s’arma tantos. Chil se retrairent quant il vei
rent
que poins fu et qu’il eurent fait leur
emprise, et retournerent sans damage en leur
pb 24 v