et de le Bretagne bretonnant pour tant que il estoiient
et ont estet toudis plus favourable au duch de Bre
tagne, que li Franchois appelloiient le conte de Mont
fort, que li doulche Bretagne. Quant li bourgois sen
tirent venant seür iauls le connestable et les Fran
chois a si grant poissanche, si n’eurent mies con
seil d’iauls clore. Mais se ouvrirent et les requeil
lierent doulchement. Et se mirent tantos en l’o
beissanche dou roy de Franche. Li dis connestables
en prist les fois et les sieremens que il se tenroiient
estauble. Et puis passa oultre et s’en vint jusques
a le boine ville de Dignant. Chil de Dignant firent
oteil et puis chevauchierent dusques a le chi
tet de Vennes, qui se ouvrirent ossi tantos et
se mirent en l’ordenanche dou connestauble. Et puis
s’i rafresquirent li Breton et li Franchois quatre jours.
A leur deppartement il prirent le chemin dou
Souseniot, I moult biau castiel et maison de de
duit pour le duch. La y avoit aucuns Englés
qui le gardoiient depar le duch, li quels ne se
vaulrent mies sitos rendre. Mais se cloirent
et moustrerent grant deffense. Quant li connesta
bles fu venus jusques a la et il vei le condition
et maniere des Englés qui dedens estoiient, si
dist qu’il ne s’en partiroit nient ensi. Si se loga
et fist toutes ses gens logier et entrués que li var
let logoiient, traire avant a l’assaut les gens
d’armes, qui riens n’y conquirent ne gaegnierent
che premier assaut fors horions. Si se retrai
rent au vespre a leurs logeis et se aisierent
de che qu’il eurent. A l’endemain il assallirent,
encores n’y firent il riens et les couvint la
estre quatre jours, anchois que il peuissent con
querre le castiel. Finablement il fu conquis
et pris de forche et tout chil mort, qui dedens
estoiient, oncques piés n’en escapa. Et dena le
castiel dou Suseniot a I sien esquier, bon hom
me d’armes li dis connestaubles, qui s’appel
loit Ieuwains de Mailli. Puis se deslogierent
li Franchois et chevauchierent deviers Jugon, une
bonne ville et bon castel, qui se rendirent tantos
et se mirent en l’obeissanche dou roy de Fran
che et puis Gohi la Forest et puis la Roche
d’Euriant, Plaremiel, Castiel Josselin, Fauet,
ghingh Ghingant, Saint Mahieu de Fine
Posterne et pluiseurs villes de la environ,
Garlande, Camparlé et Campartorrentin.
Quant li contes de Salebrin et messires Guillaumes de
Nuefville et messires Phelippes de Courtenay et
li Englés qui se tenoiient a Saint Malo de
l’Ille, entendirent que li connestaubles et li sires
de Clichon et li baron de Franche et de Breta
gne estoiient entré en Bretagne a si grant
poissanche que il predoiient chités, villes
et castiaus, et que tous li paÿs et pre se tournoit
vers iauls et se sentoiient encores sur mer
la grosse naviie d’Espagne et les Franchois,
si eurent conseil que il se trairoiient vers
Brest, la seroient il, iauls et leur naviie,
en plus grant segur. Car li havrenes de