samble et point ne se desfoukoiient.
Mais
atendoiient moult courtoisement l’un l’autre. Le
premiere
bataille estoit des mareschaus, le se
conde des II dus, dou duch de Lancastre et dou
duch de Bretagne, et
puis cheminoit tous li
charois qui portoit et menoit toutes leurs
pourveanches. Et
puis l’arieregarde faisoit
li connestaubles. Et se joindoiient toutes
ches
batailles ensamble ne nulle ne se def
foucoit ne issoit de son pas. Ne ossi nuls
chevaliers ne escuiers, tant fust appers ne bons
hommes d’armes, n’osast courir ne faire
issue
de ses compagnons, se il ne li fust demandet
et accordet des capitainnes de se
route et par
espetiaul des mareschaus. Sitretos que
li roys de Franche sceut que chil II duch et
leurs gens estoiient entré en son paÿs et
chevauchoiient, si envoiia caudement en
Bre
tagne apriés le connestable et le signeur de
Clichon et les bons
chevaliers et escuiers qui
la se tenoiient, que il s’en retournassent en
Franche. Car il les voloit grandement en
sonnier. Et par espetial li roys
remandoit
le signeur de Clichon, le visconte de Rohem,
monsigneur Jehan de Buel, messires Guillaumes
des Bordes et monsigneur Loeis de Saint Juliien
et aucuns chevaliers et escuiers bretons, ables et
bien travillans. Car il voloit faire poursievir
les
Englés. Et si voloit
bien li dis roys que
messires Bertrans, ses connestables, et li dus
de Bourbon et li contes d’Alenchon demoras
sent encores dalés son frere le duch d’An
go tant que aucunne fins se fust approchiie
de chiaus de
Derval. Or avint entrués que
chil qui mandet estoiient dou roy, mirent
le tamps et les jours de retourner de
Bre
tagne en Franche et d’avoir leur establisse
ment et savoir leur ordenanche ou
cascuns
devoit aler, emploiierent ossi leur tamps
grandement li dus de
Lancastre et li dus de
Bretagne et leurs gens d’entrer en Franche
et de courir le paÿs VI lieuues de large a
II
eles de leur hoost pour plus largement
trouver vivres et pourveanches. Car il n’en
predoiient nulles des leurs. Mais qu’il en
peuissent recouvrer des nouvelles ou
que
feust.
SHF 1-738 sync
Ensi passoient li
Englés le paÿs et fu
rent devant
Aire et escarmuchierent
as barieres et puis retournerent amont
devers le
contet de Saint Pol en chevauchant
en
Artois. Si
ardirent une partiie dou
jovene conte de Saint Pol et furent devant
le ville de Dourlens et y
livrerent grant
assaut. Et se mirent li dit
Englés en grant
painne
pour le conquerre et pour l’avoir.
Car il le sentoiient riche de l’avoir dou
paÿs qui la
estoit retrais et apportés, et
si n’estoit pas, che leur sambloit, tena
ble a tant de
bonnes gens d’armes qu’il
estoiient. On voelt bien dire et maintenir que il
euissent eut et conquis de forche, se n’euissent
esté li gentilhomme dou paÿs, qui la
dedens
estoiient retrait et qui avoiient oy dire que il
aroiient l’assaut. Si passerent li
Englés oul
tre quant il eurent la fait leur emprise. Et
chevauchierent viers la
chitet d’Arras et vin
rent li II duch, as quels tout li demourant
obeissoiient, logier et s’aresterent en l’
abbeye dou
Mont Saint Eloy, a II lieuues petittes de le
chitet d’Arras. La se reposerent il et rafresqui
rent I jour et II nuis. Et puis
chevauchie
rent oultre en predant le chemin de le
ri
viere de Somme et
firent tant que il vinrent
a
Bray seür Somme. La s’aresterent il et mirent
en ordenanche pour assallir, et l’aprochierent
toutes gens et y eut moult grant
assault.
Et la fu li
Chanonnes de Robertsart bons
chevaliers et fist
en joustant a une porte as
gens d’armes qui la estoiient, pluiseurs apper
tises
d’armes et euist esté pris et retenus
uns siens escuiers, qui s’appelloit Esporon,
se il n’euist estet. Car il fu abatus entre piés
a l’entree de le porte et le tiroiient ens
li
Fran
chois qui la estoiient. Mais li dis
Canonnes,
en joustant de se lanche et montés sus
sen coursier, recula tous chiaus qui la
estoiient
et rebouta en le ville et en abatti ne sçay
V ou VI. En le ville de Bray sur Somme avoit
adont grant garnison
de chevaliers et d’escuiers
de la autour. Et tout s’i estoiient retrait.
Car bien
savoiient que c’estoit li passages des
Englés. Ne oncques ne passerent
en Franche
que il ne tenissent che chemin. Toutesfois il
ne
conquirent riens adont a Bray. Si prirent
leur retour vers
Saint
Quentin. Et entrerent
en che
biau et che plain paÿs de Vermendois,
se fremissoiient toutes gens devant yauls.
Et ranchonnoiient villes et paÿs a nient
ardoir et a vivres et cheminoiient si petites
journees que trois ou quatre lieuues le jour. De
Saint Quentin estoit
capitainnes messires
Guillaumes des Bordes. Et la le trouva li sires
de Boussies, qui s’en aloit a
Ribeumont pour
aidier a garder le fortereche. Car il y avoit
part depar sa femme, la fille au signeur
de
Chin, se li pria que il li vausist delivrer
X arbalestriers. Messires Guillaumes le fist
volentiers. Si issirent hors de le ville a le
porte qui oeuvre vers Laon. Et n’eurent
point cheminet II
lieuues quant il trouve
rent monsigneur Jehan de Buel, qui s’en aloit a
Laon pour estre capitainnes de le chitet,
la l’envoioit li roys de Franche. Si se firent
grans recognissanches chil chevalier quant il
se
trouverent, et parlementerent sus les camps
ensamble. Et entendi messires
Jehans de Buel
que li
Englés devoiient passer che jour da
lés
Ribeumont. Si dist que il iroit la avec
le signeur de Boussiies.
Si chevauchierent
pb 34 v