hommes, et les fist
mener dou plus pres
dou castiel qu’il peut. Et la furent decollet.
Ne pour
priiere ne pour parolle que aucun
baron de l’oost peuissent ne seuissent faire,
il
n’en furent point depportet. Quant
messires Robers Canolles, qui estoit amont
as fenestres de son castiel, vei chou, si fu en
si que tous foursenés. Et fist
incontinent
une longe table lanchier hors des fene
stres et la amener trois chevaliers et I esquier
que il tenoit prisonniers, dont il avoit re
fusé X mille frans. Si les fist monter
seür celle table li uns aprés l’autre. Et
par I
ribaut coper les tiestes et reverser
ens es fossés les corps d’un lés. Et les
tiestes de
l’autre. De quoi vraiiement, tout
consideret, chou fu grans pités que pour
l’oppinion
d’iauls deus, VIII gentilhomme
furent ensi mort. Et depuis
en furent moult
courechiet, et li une partiie et li autre.
SHF 1-743 sync
Assés tos aprés celle herrodiie et che
cruel fait acompli, de quoi
toutes ma
nieres de boines gens qui en oirent par
ler, en eurent pitet et compation, li
sieges
se deffist de devant
Derval et trairent
devers Franche toutes manieres de gens
d’armes avech le duch d’Ango et le connesta
ble. Car il avoiient entendu que li dus de
Lancastre et li
dus Jehans de Bretagne
y chevauchoiient efforchiement. Et estoient
ja
seür le
riviere de Marne. Si
espoitie
rent tant li capitainne que il vinrent a
Pa
ris
devers le roy, qui les rechupt a grant
joye, et fu par espetial durement resjois
de le venue dou connestable. Car il avoit
en lui tres grant fianche. En che tamps
estoit retournés a
Paris li sires de
Clichon.
Car li rois l’avoit mandet pour avoir co
lation devant li,
present ses freres, qui tout
troi estoiient a
Paris, et le connestable sus
l’estat des
Englés. Et se on les
combateroit
ou non. Car pluiseur baron et chevalier dou
royaulme de Franche et consauls des boines
villes murmuroiient l’un a l’autre. Et di
soiient en publicque que c’estoit cose incon
veniens et grans vituperes pour les nobles
dou royaulme de Franche, ou tant baron,
chevalier et escuier, et de quoi
la poissanche
est si renommee, quant il laissoiient ensi pas
ser les
Englés a leur aise et nient n’e
stoiient combatut et que de che blasme il
estoiient
vituperet par tout le monde.
SHF 1-744 sync
Quant tout chil signeur li plus espe
tial dou conseil le roy
furent assam
blés, il se mirent en une cambre et la ou
vri li roys se parolle
seür l’estat dessus
dit. Et priia moult douchement que il en fust
loiaument consilliés
et vault oir de cascun
l’entente au tour et quelle raison il y mettoit
dou combatre ou
non combatre. Premiers
li connestables en fu priés dou dire et de
mandés que il en vaulsist dire a son advis
le milleur qui en estoit a faire pour tant
que il avoit estet le plus en grosses besoi
gnes et petites arestees contre les
Englés.
Moult longement s’escusa et n’en voloit res
pondre, si aroiient li
signeur qui la estoiient,
parlet, li dus d’Ango, li
dus de Berri, li
dus
de Bourgongne et li contes d’Alenchon. Non
obstant ses
escusanches il fu tant pres
sés que il le couvint parler. Si parla par
l’amendement
d’iauls tous, ensi que bien sceut
dire ou commenchement de son langage, et
dist au roy: "Sire, tout chil qui parollent
des
Englés
combatre, ne regardent mie le
peril ou il en puelent venir, nient que
jou diie que il ne soiient combatu. Mais je
voel que che soit a vostre
avantage, ensi que
bien le sevent prendre, quant il leur touche,
et l’ont pluiseurs
fois eut, a
Poitiers, a
Creci,
en
Gascoigne, en
Bretagne, en
Bourgongne,
en
Franche, en
Pikardiie et en
Normendiie,
les
quelles victores ont trop grandement a
damaget
vostre royaulme et les nobles
qui
y sont, et les ont tant enorguillis que il ne
prisent ne amirent nulle nation fors la
leur,
par les grans raenchons qu’il en ont pris et
eus, de quoi il sont enrichi et
enhardi. Et
vechi mon compagnon le signeur de Clichon,
qui plus
naturelment en poroit parler
que je ne fache. Car il a estet avech iauls no
ris
d’enfanche, si congnoit miex leurs con
ditions et leurs manieres que nuls de nous,
si
li pri et que che soit vostre plaisir, chiers sires,
que il me voelle aidier a
parfurnir ma
parolle." Adont regarda li roys de Franche
seür le signeur de Clichon et li pria droite
ment en en grant amour pour miex com
plaire a monsigneur Bertran que il en vausist
dire son entente. Li sires de
Clichon ne
fu nient esbahis de parler et dist que il le
feroit volentiers et porta
grant couleur au
connestable en disant qu’il consilloit le roy
moult loyaument. Et tantos i mist raison
pourquoy: "A Dieu le veu, mi signeur,
En
glés sont si grant d’iauls meismes et ont
eut tant de belles
journees que il leur est
advis qu’il ne puelent perdre. Et en
bataille che sont les plus
confortés gens
dou monde. Car plus voiient grant effu
sion de sanch, soit des leurs
ou de leurs ane
mis, tant sont il plus chaut et plus ares
tet
de combatre. Et diient que ja ceste fortunne
ne morra tant que leur roys vive.
Siques,
tout consideret, de men petit advis, je ne
conseille point que on les
combate, se il ne sont
pris a meschief, ensi que on doit prendre
son ennemit. Jou
regarde que les besoignes
dou
royaulme de Franche sont maintenant
en
grant estat et que chou que li
Englés y ont
pb 36 r