ensevelis,
exceptet le
visage.
Et ensi gardés
dusques a le Saint Mikuiel que tout li pre
lat, conte, baron et chevalier d’Engleterre furent a
son obseque a
Saint Thumas en Cantorbiie.
La fu li prinches ensevelis
moult reverau
ment, comme dessus est dit.
SHF 1-774 sync
Sitos que li roys de Franche fu segnefiiés
de la mort de
son cousin le prinche, il
li fist faire son obseque moult reveranment
en le
Sainte Cappelle dou palais. Et y furent
si troi frere et
grant fuison de prelas, de
barons et de chevaliers dou
royaulme de
Franche. Et dit bien li roys de Franche et af
frema que li
prinches de Galles avoit regnet
poissanment et vaillanment. Or vint li
Toussains
que li roys d’Engleterre envoiia as
parlemens a
Bruges, ensi
comme ordonnanche
se portoit, monsigneur Jehan de Monta
gut, le signeur de Gobehen, li evesques
de Halfort et le doiien de Saint Pol
de
Londres. Et li roys de Franche le conte de
Salebruce, le signeur de Castellon, monsigneur
Phillebert de l’Espinache. Et
toudis estoient
la li II legal traictieur. Si se tinrent chil si
gneur et chil traictieur tout le tamps a
Bru
ges et pau
esploitierent. Car toutes leurs
coses tournoiient a nient. Car li
Englés
de
mandoiient. Et li
Franchois ossi. En che tamps
estoit li dus
de Bretagne en
Flandres dalés
son cousin le conte Loÿs de
Flandres, le queil
il trouvoit assés traictable et amiable. Mais
point ne
s’ensonnioit de ches traictiés. Envi
ron le Quaremiel se fist uns secrés
traictiés
entre ches
Franchois et ches
Englés. Et deub
rent li
Englés leurs traitties porter en
En
gleterre.
Et li
Franchois en Franche, cascuns
deviers son
signeur le roy. Et devoiient
retourner, ou autres commis que li roys ren
voiieroient a
Moustruel seür mer. Et sus
cel
estat furent les trieuwes ralongiies
jusques au premier jour de may. Si en ale
rent li
Englés en
Engleterre. Et li
Franchois revinrent en Franche et rapporterent leurs
traittiés et recorderent sus quel estat il es
toiient parti li uns del autre. Si furent en
voiiet a
Moustruel sus mer dou costet des
Franchois, li
sires de Couchi, li sires de
le Riviere, messires
Nicolas Brake et Nicholas le
Mercier. Et dou costet des
Englés messires
Guichars d’Angle, messires Richars Sturi,
et Jof
frois Cauchiés. Et parlementerent chil signeur
et ches parties
grant tamps sus le ma
riage dou
jovene Richart, fil dou prinche,
et de mademoisielle Marie, fille dou roy
de Franche. Et revinrent arriere en
Engle
terre et raporterent leurs traittiés. Et ossi
li
Franchois en Franche. Et furent les trieu
wes ralongiies I mois.
SHF 1-775 sync
Nous avons oubliiet a recorder con
ment li roys d’Engleterre, le jour de le
Nativitet Nostre Seigneur, l’an dessus dit, tint en
son palais a Wesmoustier une grant fieste et
solempnele. Et y furent par
mandement
et commandement dou roy tout li prelat,
li conte, li
baron et li chevalier d’Engleterre. Et
la fu eslevés
Richars, li fils dou prinche.
Et le fist li roys porter devant li et le
ravesti, present tous les dessus
dis, del
hiretage et royaulme d’Engleterre a tenir a
priés sen dechés et
l’asist dalés lui. Et
fist jurer tous prelas, contes, barons et chevaliers
et
officiiers des chités et des bonnes villes,
des pors et des passages d’Engleterre que
il le tenroiient a roy. Aprés chou li vail
lans roys enchei en une
foibleche, de la
quelle il morut en l’annee, ensi que vous orés
recorder
temprement. Mais nous perseve
rons de ches parlemens et de ches trait
tiés,
qui ne vinrent a nul pourfit.
SHF 1-776 sync
A ches parlemens et secrés traictiés qui furent assignet en le ville de Mou
struel, furent envoiiet depar le roy de
Franche li
sires de Couchi, et messires
Guillaumes des Dormans, canceliers de Fran
che. Si s’en vinrent tenir a Moustruel. De le
partiie des
Englés furent renvoiiet a
Ca
lais li contes de Sallebrin,
messires Guichars
d’Angle, li evesques de Halefort, et li
evesques de Saint David, canceliers d’Engleterre.
Et estoiient la li traictieur
qui aloiient de
l’un a l’autre et qui portoiient les traictiés,
li archevesques de
Ravane et li evesques
de Carpentras. Et furent toudis leur par
lement
et leur traictiet sus le mariage
devant dit. Et offroiient li
Franchois avecques leur dame, fille dou roy de Franche,
XII chités ou
royaume de Franche. C’est
a entendre en la
duchet d’Acquittaines.
Mais il voloiient avoir
Calais abatue.
Si se desrompirent chil
parlement et chil
traictiet sans riens faire. Car oncques pour
cose que li traictieur seuissent dire, priier
ne remoustrer, ches partiies ne se vaul
rent ou
oserent oncques assegurer sus cier
tainne plache entre la ville de Moustruel et
Calais pour iauls comparoir li uns devant
l’autre. Si demorerent
les coses ensi. Et
ne furent les trieuwes plus ralongiies.
Mais la guerre renouvellee.
Et retournerent
li
Franchois en Franche. Quant li dus de
Bretagne vei che, qui se tenoit a
Bruges da
lés son
cousin le conte de Flandres, et li
legal furent la retournet, qui dirent qu’il
ne pooiient riens faire, si escrisi deviers
le conte de Sallebrin et
monsigneur Guichart d’An
gle, qui estoiient a
Calais, que a teil
jour
atout gens d’armes et archiers il fuissent
contre lui. Car il s’en voloit raler en
En
gleterre et il se doubtoit des embukes sus
les frontieres de
Flandres et d’
Artois.
pb 49 r