et qui villoit, entendi celle voix, si s’arma
et fist armer les plus aidables de la vil
le et se trairent tout devant le castiel. Et
ooiient bien le hustin que li Escot faisoiient la
dedens. Mais entrer n’y pooiient. Car le
porte estoit fremee et li pons levés. Lors
s’avisa chils Jehan Bisés d’un grant advis
et dist a chiaus de la ville qui dalés lui estoiient :
"Or tos, rompés les pons au lés deviers
nous, par quoy chil qui la dedens sont
ne puissent issir sans no dangier." On cou
rut tantos as haches et as quigniies et fu li
pons devers la ville rompus. Encores
envoiia Jehan Bissés I chiertain homme des
siens a Anvinch a XII petittes lieuues
de la deviers le seigneur de Persi que tantos
et sans delay il venist la a toute sa pois
sanche et que li castiauls de Bervich estoit
pris et emblés des Escos. Encores dist il
ensi a Thoumelin Friane, qui il y envoiia: "Di
tez a monseigneur de Persi le convenant ou vous
nous laissiés. Et comment li Escot sont en
clos ou castiel et n’en puelent partir fors
au sallir hors pardeseure les murs, si
se hastera plus tos dou venir."
SHF 2-22 sync Alixandres Ramesay et ses gens,
qui eskiellet avoiient le castiel de
Bervich et qui trop bien quidoiient avoir es
ploitiet, et ossi avoiient il, car il euissent
estet signeur de le ville se Jehans Bissés
n’y euist pourveut de consel, prirent et ochi
rent de chiauls de la dedens des quels qu’il
vaulrent. Et les prisonniers enfremerent
en le tour et puis s’ordonnerent et dirent
ensi : "Alons la jus en la ville. Car elle est
nostre, nous en prendrons tout l’avoir et
ferons aporter cheens par les bons hommes
et les femmes de la ville. Et puis bouterons
le feu en la ville. Car elle ne fait pas a te
nir pour nous. Et dedens trois ou quatre
jours nous venra soucours d’Escoche, par
quoi nous sauverons tout no pillage. Et
au deppartir nous bouterons le feu en
che castiel. Ensi paiierons nous nostre hoste."
A che pourpos s’acorderent tout li compagnon.
Car il desiroiient a gaegnier. Si restrain
dirent leurs armeures et prist cascuns
le glave en son poing. Car il en avoiient
la devens trouvet assés, et ouvrirent le
porte et puis avalerent le pont. A che
que li pons chei, les cordes qui le portoiient,
rompirent car li pons n’eut point d’arest
ne de soustenanche. Car li bauch sur quoy
il devoit keir, estoit rostés et les plan
ches deffaites au lés deviers le ville.
Quant Jehan Bissés et chil de le ville qui
en le plache estoiient, veirent le maniere,
si commenchierent tout d’unne voix a huier
et a dire: "Tenés vous la, tenés vous la, Escot
failli. Point n’em partirés sans no congiet."