venut devant
Montsach, il se rendirent
tantos et se tournerent franchois.
Et puis che
vauchierent oultre deviers le
chitet d’Aghen,
qui se tourna
ossi. Et se rendi françoise et
puis vinrent devant Thonnins sur Garone.
Et chevauchoiient li
Franchois a leur aise,
poursievant la riviere pour trouver plus cras
paÿs et vinrent au
Port Sainte Mariie, qui
se tourna tantos franchoise. Et partout met
toiient li
Franchois
gens d’armes et faisoiient
garnison et prisent le ville de Thonnins
et
tantos se rendi et tourna li castiaus. Si
y estaublirent I chevalier
et XX lanches pour
le warder. En apriés il prisent le chemin
de
Montpelier et d’
Agillon, ardant et es
sillant tout le
paÿs. Quant il furent venut
a
Montpelier, qui est boine ville et fors ca
stiaus, il furent si effraiiet et espoentet
des gens le duch d’Angh
oo, que tantost se
rendirent, puis vinrent devant le
fort
castiel
d’Agillon. La furent il quatre jours.
Pour le temps de lors n’avoit
mies de
dens le ville et le castiel d’Agillon si vail
lans gens que quant
messires Gautiers de
Manni et ses compaignon l’eurent en garde. Car
il se
rendirent tantos au duch d’Ango, dont
chil de Beregerach furent
moult esmervilliet
comment il s’estoiient si tos rendut. A che
jour estoiient
capitainne et garde de
Berege
rach messires Thumas de Felleton et li
Captaus de Beus a C lanches,
Englés et
Gas
con. Tout en telle maniere comme li dus
d’Angho et ses gens estoiient entret en
le terre dou
prinche au lés
pardeviers
Aghen et
Thoulousain chevauchoiient li
dus de Berri et ses routes en
Limozin a
bien XII
C lanches et III mille brigans, con
querant villes et castiaus et
ardant et es
sillant le paÿs. Avech le
duch de Berri estoiient li dus de
Bourbon, li contes d’A
lenchon,
messires Guis de Blois,
messires Ro
biers d’Alenchon, contes dou Perche, messires
Jehans
d’Ermignach, messires Huges Daufin,
messires Jehans de Villemur, messires Hu
ges de la Roche, li sires de Biaugeu, li sires
de Villars, li sires de Serignach, messires
Griffons de Montagut, messires Loÿs de
Melval, messires Rainmons Maruel, mes
sires Jehans de Boulongne, messires Godefrois
ses oncles, li viscontes d’Uzés, li sires de
Sulli, li sires de Calenchon, li sires de
Gousant, li sires d’Achier, li sires d’Açon,
messires Jehans de Viane, messires Huges
de Viane, Ainbaus dou Plasciel, et pluiseur
aultre bon baron, chevalier et esquier. Si
entrerent des gens d’armes en
Limozin et y firent moult de desrois et
s’en vinrent
mettre le siege devant le
chitet de Limo
ges. Par devent avoit
aucuns
Englés en
garnison que messires Hues de Cavrelee,
qui
estoit senescaus dou paÿs, y avoit ordon
nés et estaublis. Mais il
n’en estoiient mie
maistre. Ainchois le tenoit et gouvernoit
li evesques dou dit
lieu, ou quel li
prinches
de Galles avoit grant fianche pour tant
que
c’estoit ses comperes.
SHF 1-657 sync
Li prinches de Galles, qui se tenoit
en la
chitet d’Angouloime, fu enfour
més et ciertefiiés de ches II grosses
chevau
chiies dou duch d’Angho et dou
duch de
Berri. Et
comment il estoiient entret effor
chiiement en se tierre. Et par II
lieus.
Et fu encores ensi dit au
prinche a che
que on pooit veoir et
ymaginer, il tiroiient
a venir devant
Angouloime et de li laiiens
assiegier, et
madame la princhesse et que
sur che il euist advis. Li
prinches, qui
fu uns moult vaillans homs et imaginans
et confortés en toutes
ses besoignes, res
pondi que ja si anemi ne le trouveroiient
enfrumet en ville ne en
castiel et qu’il
voloit issir as camps contre yauls. Si mist
tantos clers et messagiers
en oevre d’es
crire lettres et d’envoiier partout ses
feauls et ses soubgés, en
Poitau, en
Saint
onge, en
Le Rochelle, en
Roergue, en
Quersin,
en
Aghinois,
en Gaure et en
Bigorre. Et
leur mandoit
espresseement que cescuns se
presist priés de venir au plus tos que
il peuist, et a
tout le plus de gens qu’il
pooit avoir, deviers lui en le ville
de
de Congnach, la estoit ses mandemens
assis.
Et se tray tantos de celle part,
ma
dame la princhesse o lui, et Richars leur
jovenes fils. Entrués que chils mandemens
se faisoit et que toutes gens
mandés s’ap
parilloiient, li
Franchois chevauchoiient
toudis avant,
gaastant et essillant le
paÿs, et s’en vinrent deviers le Linde, une
boine ville et
forte seans sus le riviere de
Dourdonne, a une lieuwe de
Beregerach.
Si en estoit capitaines, depar le Capital,
qui la l’avoit
estaubli,
uns moult apiers chevaliers
qui s’appielloit messires Tonnés de Batefel,
neveus jadis a monsigneur Senghin de Bate
fol. Chils avoit la ditte ville de
Linde en
garde. Or vinrent la pardevant li dus
d’Angho, li contes d’Ermignach, li sires de
Labreth, li contes de Pieregorth,
li contes
de Commignes, li viscontes de Quarmaing,
et tout li
autre baron et chevalier de leur
routes, si mirent tantos le siege par
devant par grant
ordenanche et dirent
que il ne s’em partiroiient se l’aroiient.
Le ville
estoit boine et forte, et bien pour
veue de tous biens et d’artelleriie. Car
messires
li Captaus et
messires Thumas de Felleton y avoiient estet depuis XV jours et
l’avoiient renvitaliie a leur entente. Et
trop bien
estoiient chil de le Linde tailliet
pb 7 r