ou
havrene de Le Rochelle li
dus Jehans
de Lancastre avec
son armee, dont chil
dou paÿs furent moult resjoy pour tant qu’il
le
sentoiient bon chevalier et grant capitainne
de gens d’armes. Li dus de Lancastre et ses
gens n’y firent point trop lontain sejour
en le
ville de Le Rochelle. Mais s’en partirent
tantos. Car il entendirent que li
princes vo
loit
aler contre ses anemis, si se mirent
tantos au chemin. Et trouverent a une journee
de
Congnach le conte de Penne
bruq, qui tiroit celle part, si se
firent
grans recongnissanches quant il se retrou
verent, et chevaucherent ensamble et
vin
rent a Congnach, ou il trouverent le
prinche,
madame la princhesse et le
conte de Cam
bruge, qui furent moult resjoy
de la venue
des dessus dis. Et toudis venoiient gens
d’armes de
Poito, de
Saintonge, de Le Ro
chelle, de
Bigorre, de Gaurre et de
Gascoin
gne. Et ossi
des marches visines obeissans
au
prinche. Li dus d’Angho, li contes d’Er
minach, li sires de Labreth, li contes et li
viscontes, li
baron et li chevalier de leur accord,
si comme chi dessus est dit, qui avoiient
conquis chités, villes, castiauls et fortere
ches en leur venue plus de quarante, et
avoiient approchiet le
chitet de Bourdiaus a V
lieuwes pres et gaastet tout le paÿs
environ
Bregerach et le
Linde, entendirent
que li
prinches de Galles avoit fait I grant
mandement et estoit venus a Congnach.
Et ossi li dus de Lancastre estoit arivés
a tout grant fuison de gens d’armes et
d’archiers u paÿs. Si eurent conseil ensam
ble comment il s’em poroiient chevir. Pour
le tamps de
lors estoit nouvellement
mandés messires Bertrans de Claeiquin dou
roy de Franche et dou
duch de Berri, qui se te
noit a siege devant le
chitet de Limoges et
les avoit telement astrains qu’il estoiient
sus teil estat que
pour yauls rendre, mais
qu’il
eu y euist bons moiiens. A che
conseil
dou duch d’Angho et des barons qui estoiient
la dalés lui et mis
ensamble pour consillier,
fu appiellés messires Bertrans de Claeiquin.
C’estoit raisons. La eut pluiseur parolles
dittes et
miss mises
avant. Finablement tout
consideret, on consilla au duch d’Angho de
desrompre pour celle saison se chevauchiie
et d’envoiier toutes ses gens ens es gar
nisons et de guerriier par garnisons. Car
il en avoiient assés fait pour che tamps,
ossi il besoignoit et venoit grandement a
point les signeurs de
Gascoigne qui la es
toient, le
conte d’Erminach de Pieregorth,
le signeur de Labreth et les autres, de re
traire en leur paÿs pour les
garder et
faire frontiere. Car il ne savoiient que le
prin
ches, qui avoit fait
si grant assamblee,
avoit empenset. Si se deppartirent tout
par commun accord
li uns del autre. Et s’en
vint li dus d’Ango en le chitet de Chaours, si
s’espardirent ses gens et les compagnes par
mi le paÿs que conquis avoiient, et se
bouterent
ens es garnisons. Li contes d’Erminach, li
sires de Labreth et li aultre retournerent
en leurs paÿs et pourveirent leur villes
et leur
chastiaus grandement, ensi que chil
qui esperoiient a avoir le guerre. Et fi
rent ossi
estre tous appareilliés leurs
gens pour garder et deffendre leur paÿs,
s’il besoignoit.
¶ Or parlerons de
monsi
gneur Bertran de Claeiquin, qui se parti
dou duch d’Ango et fist se route a par lui.
Et chevaucha tant qu’il vint au siege de
Limoges, ou li
dus de Berri et li dus de
Bourbon et
grant chevaleriie de Franche
se tenoiient.
SHF 1-662 sync
Quant messires Bertrans fu venus au
siege, si
s’en resjoirent grandement li
Franchois et fu grant nouvelles de li de
dens le chitet et dehors. Tantos il commen
cha a aherdre les traitiés qui
estoiient entamé
entre l’evesque de Limoges, chiaus
de le
chitet et le
duch de Berri et les poursievi
si soigneusement et si
sagement qu’il se
fisent et se tournerent franchois li eves
ques et
chil
de Limoges. Et entrerent
li
dus de Berri, li dus de Bourbon,
messires
Guis de Blois et li signeur de Franche par
dedens a grant joye et en prirent les
fois et les hommages et s’i rafresquirent
et
reposerent par trois jours. La endedens
eurent li
dessus dit signeur eurent
conseil et avis qu’il desromperoiient leur
chevauchiie pour
celle saison, ensi que li
dus d’Angho avoit fait, et s’en retourroiient
en
leurs paÿs pour prendre warde a
leur villes et fortereches pour
monsigneur
Robert Canolles, qui tenoit les camps
en Franche, et qu’il avoiient
bien esploitiet
quant il avoient pris une teille chitet
comme
Limoges est. Chils consauls et avis
ne fu de nient brisiés. Si se deppartirent
li
signeur li uns del autre. Et demora
messires Bertrans ou
paÿs de Limozin a
tout CC lances, si se bouta ens es castiaus
le signeur de
Melval, qui estoit tournés
franchois. Quant li
dus de Berri se depparti
de
Limoges, il ordonna et institua a demorer
en le ditte chitet a le requeste del eves
que dou dit lieu monsigneur Jehan de
Villemur, monsigneur Huge de la Roche et Ro
gier de Biaufort a C hommes d’armes et
puis se retraist en
Berri. Et li dus de
Bourbon en
Bourbonnois et li autre
signeur
des lontainnes marches s’en revinrent en
leur paÿs. Or parlerons dou
prinche conment il esploita.
pb 9 r