Franche, messires Moriaus de Fiennes, li con
tes de Saint Pol, li contes
de Hainnau, messires
Oudars de Renti, messires Engherans du E
dins, sires de Castiel Villain de Tankarville, li
contes de Salebruce, li viscontes de Miaus,
messires Raouls de Couchi, li senescaus de
Hainnau, messires Oudars de Renti, messires
Engherans du Edins, sires de Castiel Villain,
messires Jehans de Viane, li
sires de le Ri
viere, et pluiseur grant chevalier et vaillant
dou
royaume
de Franche. Mais point n’en
issoiient. Car li roys ne le voloit souffrir
et le deffendoit. Car li sires de Clichon, qui
estoit ossi la et li plus
especiaus de sen con
seil et li miex creüs et tous li autre y met
toiient grant
detri. Et disoit: "Sire, vous
n’avés que faire d’emploiier vos gens con
tre ches foursenés, laissiés les aler et yauls
sancier. Il ne vous puelent taulir vostre hyre
tage, ne boutter hors par fumieres." A le Porte
Saint Jakemes
et as barrieres estoiient li contes
de Saint Pol, li viscontes de Rohem,
messires
Raouls de Couchi, li sires de Kauni, li sires
de
Kresekes, mesires Oudars de Renti, mes
sires Engherans du Edins. Or avint che mar
di au matin qu’il se deslogierent et que li
En
glés bouterent le feu ens es villages ou il
avoiient estet logié, tant que
on les veoit tout
clerement de
Paris, I chevaliers de leur route
avoit voet le jour devant qu’il venroit si
avant dusques a
Paris
qu’il hurteroit as bail
les de le porte. Il n’en menti point. Mais se
parti de ses conrois
le glave ou poing, le
targe au col, armés de toutes pieches, et s’en
vint esporonnant,
derriere lui sus I autre cour
sier son escuier, qui portoit sen bachinet.
Quant il deubt
approcher
Paris, il prist son
bachinet et le mist en sa tieste. Ses esquiers
li lacha par darriere, lors se parti chils bro
chans des esporons et s’en vint de plains
eslais ferir dusques ens es bailles. Elles estoiient
ouvertes, si li fist on voye. Et
quidierent li si
gneur qui la estoiient, que il deuist entrer de
dens. Mais il n’en avoit
nulle volentet,
anchois quant il eut fait son fait et hurtet as
bailles, ensi que voet
avoit, il tira sus frain
et se mist au retour. Lors dirent li chevalier de
Franche qui le veirent retraire: "Alés, alés, vous
vos estes bien acquités." A son retour chils
chevaliers, je ne say comment on le nommoit, ne
de quel
paÿs il estoit, mais il s’armoit
de
gue geulles a deus
faches fasses noires
et a une bordure noire endentee, eut I dur
rencontre. Car il trouva I bouchier sus le
pavement, I fort loudier
qui bien l’avoit veüt
passer, si le ratendi et tenoit une hache tren
chant a longe
puignie et pesant durement.
Ensi que li chevaliers s’en raloit tout le pas et
qui de
che ne se donnoit garde, chils maleois
bouchiers li vient sus costet et li desclicke
un cop entre le col et les espaules si tres dur
qu’il le reverse tout en dens sus le col
de
son cheval. Et puis recuevre et le fiert ou
visbus et li embat se hache tout la
dedens.
Li chevaliers de le grant doleur qu’il senti,
kay a terre et li coursiers s’enfui
dusques a
l’esquier, qui l’atendoit au tournant d’unne
rue sus les camps, si prent le
coursier et
fu tous esmervilliés qu’il estoit avenut a
sen mestre. Car bien l’avoit
veüt chevauchier
dusques as bailles et la hurter de se lanche
et puis retourner
arriere. Si s’en vient celle
part et n’eut gaires alet quant il le vey en
tre quatre compaignons qui feroiient sur
lui ensi que sur une quieute. Si fu si effraés
qu’il n’osa aler plus avant. Car bien veoit
qu’il ne li pooit aidier, si se mist au retour
dou plus tos qu’il peut. Ensi fu la mors li
chevaliers de le route des
Englés. Et le firent
li signeur qui estoiient a le porte, ensevelir
en sainte tierre. Et
li esquiers retourna en
l’ost, qui recorda l’aventure qui estoit a
venue a son mestre.
Si en furent tout li com
paignon courouchiet et vinrent celle nuit
et celle vespres
jesir entre
Mont le Heri et
Paris sus une petite
riviere et s’i lo
gierent de haulte heure.
SHF 1-665 sync
Entrués que messires Robiers Canolles et li
Englés faisoiient leur voiage et que
li
prinches de Galles et si II frere et leur
gens seoiient devant le
boine chitet
de
Limoges, messires Bertrans de Claeiquin et
se route, ou il avoit espoir CC lanches, che
vauchoiient a l’un des corons dou
paÿs de
Limozin. Mais de nuit point ne gisoiient
as camps pour le doubte des rencontres
des
Englés. Mais ens es fortereches fran
çoises qui estoiient
tournees, de monsigneur
Loeis de Melval, de monsigneur Raimon de
Melval et des autres. Et
tout le jour chevauchoiient
et se mettoient en grant painne de conquerre
villes et
fors. Bien le savoit li
prinches et en
venoiient a lui les plaintes tous les jours.
Mais il ne voloit nient deffaire ne brisier
sen siege car il l’avoit pris trop a coer l’a
venue de
Limoges. Et entra li dessus dis
messires Bertrans en le viscontet de Limo
ges, I paÿs qui se tenoit et rendoit dou duch
de Bretaigne, ne mie des
Englés, monsigneur
Jehan de
Monfort, et le commencha a courir
u nom de
madame le femme a monsigneur
Karlon
de Blois, a la quelle li hiretages avoit estet
de jadis, si y fist la grant
guerre. Ne nuls
ne li ala au devant. Car li dus de Bretagne
ne quidoit nient
que messires Bertrans
se le
deuist guerriier. Et vint
devant Saint
Iriet, si l’assalli et fist assaillir durement.
Pardedens
le ville de Saint Iriet n’y a
voit nul gentilshomme qui le seuissent
deffendre ne garder, si furent si effraiet
pb 10 r