pb 215 vpour amy que la damoiselle eust, il n’en eust riens fait s’il ne lui feust bien
venu a plaisance. Il en parla
au roy de France, son nepveu, et au
duc de Bour
gongne, son frere, et
leur pria affectueusement qu’ilz s’en voulsissent char
ger avec lui et mesler. Le roy de
France en eut bon ris pour tant que le
duc de Berry estoit ja tout ancien et
lui dist: "Bel oncle, que feréz vous
d’une fillette? Elle n’a que douze ans et vous en avéz bien soixante. Par
ma foy, c’est grant folie
pour vous de penser a
celle chose. Faictes en parler
pour Jehan,
beau cousin vostre filz, qui est jeunes et a venir. La chose est
mieulx parelle a lui que
a vous." "Monseigneur," respondit le
duc de Berry, "on
en a parlé mais le conte de Foix n’y voulut entendre pour la cause de ce que
mon filz descent de
ceulx d’Armignac et ilz sont en guerre et en hayne
et ont
esté longtemps ensemble. Se la fille est jeune, je l’espargneray trois ou quatre
ans tant qu’elle sera parfaitte et formee." "Voire," respondit le roy, "beau
cousin,
mais elle ne vous espargnera pas." Et
puis dist tout en riant: "Bel oncle, puis
que nous voions que vous y avéz
tel grant affection, nous
y entendrons vou
lentiers." Depuis ne demoura gueres de temps que le roy ordonna le sire
de
la Riviere, messire Bureau, son souverain chevalier et maistre d’ostel et cham
bellan, pour aler en ce voiage et avecques lui le conte d’Assi, et le
duc de
Bourgongne y ordonna pour lui l’evesque d’Authun, et messire
Guillaume de la Tremoïlle.
Et le duc de Berry y
ordonna et en pria le conte Jehan de Sancerre, ung sage et
vail
lant
chevalier. Ces cinq seigneurs pour venir devers le conte de
Foix
et requerir en nom de mariaige pour le
duc de Berry ceste jeune dame se partirent de leurs
lieux et se devoient trouver en
Avignon ainsi qu’ilz firent deléz le
pape Cle
ment qui estoit
cousin germain du pere a la damoiselle, ou ilz furent bien XV
jours. Et environ la Chandeleur ilz se departirent d’
Avignon et
prindrent le
chemin de Nismes et de
Montpellier et
chevaucherent
a petites journees et grans fraiz et passerent
Besiers et vindrent a Carcassonne et la trouverent messire Loÿs de Sancerre, mareschal de France,
qui les recueillit grandement, c’estoit bien
raison, le quel parla asséz
a eulx du conte de Foix de son estat et de son afaire
car il y
avoit esté n’avoit que environ deux moys. De
Carcassonne ilz se depar
tirent et vindrent a
Thoulouze et la s’arresterent
et envoierent leurs messages
devers le conte de Foix, qui se tenoit a
Ortais en Bierne. Si s’entamerent
les traictéz de ce mariage
mais ilz furent moult longtains car du commen
cement le conte de Foix fut moult
froiz pour tant que le duc de Lancastre qui
se tenoit pour le temps a
Bordeaulx ou a Liborne en faisoit parler pour
son
filz,
messire Henry, conte d’Erby. Si fut telle foiz pour le long sejour qu’on y ve
oit qu’on
disoit que le mariage pour lequel ces seigneurs s’arresterent a
Thoulouze ne se feroit point. Et
tout leur estat et les ordonnances, res
ponses et traictiéz du conte de Foiz, de jour en jour et de sepmaine en sepmaine
ilz envoioient soigneusement devers le
duc de Berry qui se tenoit a la
Nonnette en Auvergne. Et le duc qui n’avoit autre
desir fors que les choses approuchas
sent, rescripvoit devers eulx et les rafreschissoit souvent
de nouveaulx mes
sages en signifiant
que nullement ilz ne cessassent
point que la besongne
ne se feïst. Le conte de Foix, qui estoit sage et subtil et qui
veoit l’ardant desir
du
duc de Berry, traittoit sagement et froidement et si
advisement mena
ses traictiéz que par l’accord
de tous et encores a grant priere
il ot XXXM frans pour les ans qu’il avoit gardee, nourie
et tenue en son estat la damoiselle. Encores
pb 216 r