pb 216 r
se plus en eust demandé plus en eust eu. Mais moiennement il voulut
ouvrer sur la conclusion de ceste matiere a fin qu’on lui en sceust gré et
aussi que le duc de Berry sentist qu’il feïst aucune chose pour luy.
SHF 3A-307 sync Quant toutes ces besongnes furent aprouchees et les parties d’acord
le conte de Foix envoya sa cousine, la damoiselle de Boulongne a Mor
lans acompaignié de plus de cinq cens lances, desquelz messire Espaeng de
Lion, messire Regnault Guilleme, messire Pierre de Bearne, messire Pierre de Ca
bestain, messire Adam de Calrasse, messire Manault de Nonnaliéz et messire
Pierre de Lies estoient capitaines. Et la sur les champs fut delivree aux am
baxadeurs de France ou nom et pour le duc de Berry la damoiselle de Boulongne.
Et la estoit messire Loÿs de Sancerre atout bien cinq cens lances qui la recent
avecques ces seigneurs et compaignons. Et la fut le departement fait. Ceulx
de Foix retournerent et les François emmenerent la dame Et vueil que vous
sachéz que le duc de Berry lui avoit envoyé son arroy de chars, de charios, de
paleffrois, de habits et d’aornemens de corps et de chef aussi habondamment
comme se elle devoit estre royne de France. Si se mirent au retour et je sire
Jehan Froissart, qui toute ceste histoire ay dictee et ordonnee, en leur compai
gnie. Car le conte de Foix le m’avoit tousjours bien dit quant je vouloie pren
dre congié que je n’avoie que faire de me haster et que je retourneroie en bonne
compaignie. Si exploicta tant la duchesse de Berry, car ainsi la mommeray
je d’oresenavant, que elle et toute sa route vindrent pres d’Avignon car elle des
cendit ung soir a Villeneusve hors Avignon en l’ostel du pape. Et l’endemain
entre huit et neuf heures tous les cardinaulx alerent a l’encontre d’elle et
passa le pont du Rosne en grant arroy montre sur un grant pallefroy blanc
que le pape lui fist presenter. Si vint ainsi jusques au palais en Avignon et la
descendit et ala veoir le pape, qui se seoit en consistoire et chaiere pontifical
si la baisa en la bouche pour cause de lignage et puis a la duchesse et ses
gens disner et grant foison de cardinaulx en l’ostel du cardinal de Thurin
dessoulz le palais. La estoit son hostel, ce fut le mardy. Et le jour ensuivant
le pape lui donna a disner et a toutes ses gens aussi. Et vous sçay bien a dire
que la venue de la dame cousta au pape plus de XXM frans. Le vendredy elle
soupa au palais et print congié du pape. Le samedy elle partit et vint dis
ner a Orenge et gesir, car sa cousine germaine en estoit princesse. Et le di
menche elle partit d’Orenge et chevaucha et charrya tousjours avant et
passa a Valence et puis a Vienne et puis a Lion sur le Rosne et la se rafreschit
deux jours entiers. Au tiers elle partit et vint a la Bresle et puis entra en
la conté de Forests et la passa tout au long et puis vint a la Palice en Bour
bonnois et puis a Quissy et puis a Cliche sur Allier et puis a Rion en Auver
gne et fut la deux jours avant que le duc de Berry venist. Et vint le duc
au grant arroy la nuit de la Penthecouste bien matin a deux heures en la
chappelle il l’espousa. Si furent le nopces moult grandes et la furent le conte
de Boulongne, le conte d’Estampes et le conte daulphin d’Auvergne et durerent
les nopces les festes et les joustes quatre jours et puis cesserent. Et a toutes
ces choses je acteur feuz present.
SHF 3-308 sync ¶ Comment certains depictéz esleuz et sages hommes pourparlerent et prindrent
unes treves a durer trois ans entre les François et les Anglois et tous leurs
aliéz tant d’une partie comme d’autre et par mer et par terre. VIXX III. pb 216 v