pb 15 raultres pourveancez, fors chou que vous avés oy. En tel point estoient il entret en che
lui païs dessus dit. Si le gastoient et ardoient
et trouverent tant de bestez qu’il
n’en savoient que faire. Et avoient III mille
armeures de fer, chevaliers et escuiers,
montés sus bons ronchins et bons coursiers, et XX mille hommes armés a lors
gisses, appers et hardis, montés sus ces petites
haguenees qui ne sont ne loiies ne
estrillies; ains les envoi’on tantost paistre c’on en est
descendu, es prés, es riés ou
en bruiieres. Et si avoient
II tres
bonnes capitainnes. Car li
rois Robiers d’Escoce,
qui estoit moult preus, estoit
adont durement vieuls et cargiés de le grosse mala
die. Si leur avoit donnet a
capitainne I
moult gentil prinche et vaillant en armez,
c’est assavoir le
conte de Moret, qui portoit I escut d’argent a trois orilliers de
geullez, et
monsigneur Guillaume de Douglas, que on tenoit le plus
hardy et le plus
entreprendant de tous les
II païs. Et portoit I escu
d’asur a I chief d’argent et
a III estoilles de geullez
dedens l’argent. Et estoient cil
doy signeur li plus haut
baron
et li plus poissant de tout le
royalme d’Escoce, et li plus renommé en biaus
fais
d’armez et en grans proesces. Or voel jou revenir a nostre matere.
SHF 1-29 sync
Coment le roy englois fit sa premiere chevauché sur les Escoçois.
Quant li
rois englés et toutes ses os eurent veü les fumierez des
Escos, si
que dit est pardevant, il sceurent bien que c’estoient li
Escot qui entret es
toient en
leur païs. Si fisent tantost criier as armes et
commander que cascuns
se deslogast, et siuwist les banieres. Ensi fu fait et se traist cascuns
armés
sus les campz, si que pour tantost combatre. La endroit furent ordonnees trois
grosses batailles a piet, et cascune bataille avoit deus elles de V
C armeures
de fer qui devoient demorer a cheval. Et saciés que on
disoit que il y avoit bien
la VIII mille armeures de fer, chevaliers et escuiers,
XXX mille hommes armés, li
moitiet montés sur petites hagenees, et l’autre
moitiet sergant a piet, envoi
iés par election depar les
bonnes villes a lors gages,
cascune bonne ville pour
se rate. Et si y avoit bien XXIIII mille
archiers a piet, sans le ribaudaille. Tout
ensi que les batailles furent ordonnees, on chevauça
tous rengiés aprés les
Es
cos a l’assent des fumieres jusques a basses vespres.
Adont se loga li hos en I boz
sus une petite riviere pour yaus aaisier et pour attendre le
charoy et les
pourveances. Et tout le jour avoient ars li
Escot a V liues prés de leur ost
et ne les pooient raconsieuwir. L’endemain au point dou jour
cascuns fu ar
més et trairent les banieres as camps, cascuns a se bataille et desous se banie
re, si com ordonné estoit. Si chevaucierent les batailles ensi rengies tout le jour
sans
desrouter, par montaignes et par vallees, ne onques ne peurent aprochier
les
Escos, qui ardoient devant yaulx, tant y avoit de bos, de marés, de desiers sau
pb 15 v