pb 19 r
que ce fust uns drois infers et que tout li diable fuissent la assamblet par droit avis.
Li intencion des signeurs d’Engleterre estoit de tenir ces Escos la endroit comme
assegiés, puisqu’il ne se pooient bonnement a yaus combatre. Et les cuidoient
bien affamer, car nulle pourveance ne leur pooit venir, et si ne se pooient de
la partir, si qu’il cuidoient, pour raler en leur paÿs qu’il se deuissent de la partir.
Et si savoient bien li Englés, par les presens qui pris estoient, que li Escot n’avoi
ent nulle pourveance de pain, de vin ne de sel. Bestes avoient il a grant fuison,
qu’il avoient prises ens ou païs. Si en pooient mengier en seuwe et en rost a
lor plaisir, sans pain et sans sel, a coy il n’acontoient nient granment, mais
qu’il euissent I peu de farine dont il usent, ensi que dit vous ay par deseure. Et
ossi en usent bien aucun Englés, quant il sont en lors chevaucies, et il leur touche.
Or, avint que, le IIIIe jour au matin que li Englés avoient la esté logiet, il regar
derent pardevers le montaigne as Escos, si ne veirent nullui, car il s’estoient
partit a le mienuit. Si en heurent li signeur grant merveille et ne pooient apen
ser qu’il estoient devenut. Si envoiierent tantost gens a cheval et a piet par
ces montaignes, qui les trouverent environ heure de prime, logiés sur une
aultre montaigne plus forte que celle de devant n’estoit sus celle riviere
meismes. Et estoient logiet en un bos pour estre plus repus et pour plus
secretement aler et venir quant il vorroient. Sitost qu’il furent trouvet,
on fist les Englés deslogier et traire celle part tout ordonneement, et logier
sus une aultre montaigne, droit a l’encontre d’iaus. Et fist on les batailles ren
gier, et faire samblant que d’aler vers yaus. Mais sitretost qu’il veirent l’or
denance as Englés et yaus aprochier, il issirent hors de leurs logeis et s’en vin
rent rengier faiticement assés prés de le riviere contre yaus, mais onques
ne vorent descendre, ne venir vers les Englés. Et li Englés ne pooient aller
jusques a yaus, qu’il ne fussent tout mort ou tout perdu davantage, ou pris
a grant meschief. Si se logierent la endroit encontre yaus et demourarent XVIII
jours tous plains sus celle seconde montaigne et tous les jours rengiés encon
tre yaus. Si envoiierent li signeur d’Engleterre bien souvent leurs hiraus par
devers yaus parlementer que il vosissent livrer place et pieche de terre, ou on
leur liveroit; mais onques a nulles de ces parchons il ne se vorent acorder.
Si vous di bien pour verité que li une host et li aultre en ces sejours eurent
moult de mesaisses.
SHF 1-36 sync Le premiere nuit que li Englés furent logiet sus celle seconde montaigne a
l’encontre des Escos, messires Guillaumes Douglas, qui estoit moult preus et
entreprendans et hardis chevaliers, prist entour le mienuit environ CC armeurez
de fer et passa celle riviere bien loing de leur ost, par quoy nuls ne se perchust. pb 19 v