pb 19 v
Si se feri en l’ost des Englés moult vassaument en escriant : "Douglas ! Douglas ! vous
y morés tuit, signeur baron englés." Et en tua ils et ses compagnons plus de
CCC. Et feri des esperons jusques proprement devant le tente le roy, toudis cri
ant et huiant : Douglas ! Douglas ! Et coppa II ou III des torsses de le tente dou
roy, puis s’en parti a tant. Bien puet estre qu’il perdi aucuns de ses gens a ses
retraitte, mes ce ne fu mie granment, et retourna arriere devers ses compagnons
en le montaigne. Depuis n’i ot riens fait, mais toutes les nuis li Englés faisoi
ent grans gais et fors, qui se doubtoient dou resvillement des Escos et avoient
uns gardes et escoutes en certains lieus par quoy, se chil sentesissent ne oissent
riens, il le segnefiassent en l’ost. Et gisoient presque tout li signeur en leurs
armeures. En cel estat furent il XXII jours sus ces II montaignes, li uns devant
l’autre. Et tous les jours y avoit des escarmuches et escarmuchoit qui escarmu
chier voloit. Si en y avoit souvent des mors, des pris, des navrés, des blechiés et
des mesaissiés des uns et des aultres.
SHF 1-37 sync Le darrain jour des XXII fu pris uns chevaliers d’Escoce a l’escarmuche qui moult
envis voloit dire as signeurs d’Engleterre le convenant des leurs. Se fu il
tant enquis et examinés qu’il dist que leur souverain avoient entre yaus acordé
le matin que cascuns fust armés au vespre, et que cascuns sieuwist le baniere mon
signeur Guillaume de Douglas, quel part qu’il voroient aler, et que cascuns le tenist
en secret; mes li chevaliers ne savoit de certain qu’il avoient enpenset. Sur chou o
rent li signeur d’Engleterre conseil ensamble et aviserent que selonc ces parolles
li Escot poroient bien par nuit venir brissier et assallir leur host a II costés
pour yaus mettre en aventure de vivre ou de morir. Car plus ne pooient endu
rer leur famine. Si ordonnerent li Englés entre yaus III batailles et se rengie
rent en III pieces de terre devant leurs logeis et fisent grant fuison de feus pour
veoir plus cler entour yaus. Et fisent demorer tous les garchons en leurs lo
gés pour garder les chevaus. Si se tinrent ensi celle nuit tout armé, cascuns de
sous sa baniere ou son penonchiel, si com il estoit ordonnés, pour atendre l’aventu
re. Car il esperoient assés bien selonc les paroles dou chevalier que li Escot les res
veilleroient, mes il n’en avoient nul talent; anchois fisent par aultre or
denance bien et sagement. Le retrete des Escoçois par nuit. Quant che vint sus le point dou jour doy trompeur
d’Escoce s’en batirent sus l’un des gais qui gaitoit as camps. Si furent pris et
amené devant les signeurs dou conseil le roy et disent : "Signeur, que gaittiés vous chi ? Vous perdés le tans. Car, sus l’abandon de nos testes, li Escot en sont ralet
tres devant le mienuit. Et sont ja IIII ou V lieues long pour doutanche que
nous ne le vous noncissons. Et puis nous donnerent congiet de le vous venir pb 20 r