pb 22 v
quant je say que li plus souffissans et li plus preus de mon roiaulme achievera pour
mi che que je poy onques achiever." Assés tost aprés trespassa de che siecle li preus Robers
de Brus, rois d’Escoce. Et fu ensevelis si honnerablement que a lui affrey selonc l’usage
dou païs. Et fu li cuers ostés et embasmés, ensi que commandé l’avoit. Si gist li dessus
dis rois de Donfremelin en Escoce tres reveranment. Et trespassa de che siecle l’an de
grasce Nostre Signeur mille CCC et XXVII, le VIIe jour de novembre. En ce tempo
ral, assés tost aprés, trespassa ossi li vaillans contes de Moret, qui estoit li plus gentils et
li plus poissans prinches d’Escoce, et s’armoit d’argent a III orilliers de geulles.
SHF 1-41 sync Quant li printans vint et li bonne saisons pour mouvoir, qui voelt passer ou
tre mer, messires Guillaumes de Douglas se pourvey, ensi qu’a lui apertenoit, selonc
che que commandé li estoit. Il monta sus mer au port de Morois en Escoce et s’en vint
en Flandres droit a l’Escluse pour oir nouvelles et pour savoir se nuls par de decha
le mer s’aparelloit pour aler devers le Sainte Terre de Jherusalem afin qu’il peuist
avoir milleur compagnie. Si sejourna bien a l’Escluse par l’espasse de XII jours, ançois
qu’il s’en partezist; mes onques ne volt la endroit mettre piet a terre tout le terme
des XII jours. Ains demoroit toudis sus sa nave et tenoit toudis son tinel honne
rablement a trompes et a nacaires comme se che fust li rois d’Escoce. Et avoit en se
compagnie I chevalier banereth et VI aultres chevaliers des plus preus de son paÿs, sans
l’autre mesnie, et avoit tout vaisselement d’or et d’argent, pos, bacins, escuielles, ha
nas, boutelles, barilz et aultres si faites coses. Et avoit jusques a XXVI escuiers,
jones et gentilshommes des plus souffissans d’Escoce, dont il estoit servis. Et devés
savoir que tout cil qui le voloient aler veoir, estoient tres bien festiiet de II manie
res de vins, et de II manieres d’espisses, mes que ce fussent gens d’estat. A darrains,
quant il ot sejourné la endroit a l’Escluse par l’espasse de XII jours, il entendi que
li rois Alphons d’Espaigne guerrioit au roy de Grenade, qui estoit Sarrasins. Si s’avisa
qu’il s’en iroit celle part pour mieulz emploiier son tamps et son voiage. Et quant
il aroit la fait se besongne, il yroit oultre pour parfaire et achiever che que
cargiet et commandé li estoit. Si se parti ensi de l’Escluse et s’en ala droit pardevers
Espaigne qui estoit en host contre le roy de Grenathe. Et estoient assés priés l’un
de l’autre sus les frontieres de lor païs. Avint assés tost aprés chou que li dis messires
Guillaumes de Douglas fu la venus, li rois d’Espaigne issi hors as camps pour plus a
prochier ses ennemis. Li rois de Grenate issi hors ossi d’autre part, si que li uns
rois veoit l’autre atout ses banieres et se commenchierent a rengier lors batail
les li un contre l’autre. Li dis messagiersmessires Guillaumes de Douglas se traist a l’un
des lés a toute se route pour mieuls faire se besongne et pour mieuls moustrer
son effort. Quant il vei toutes les batailles rengies d’une part et d’autre et vei pb 23 r