pb 2 rsaint, sont li preu plus pres d’onneur et
plus honnoré que li autre, et c’est bien
raisons, car il acquerent et conquerent le nom de
proece en grant paine, en
sueur, en labeur, en soing, en villier, en travillier jour
et nuit sans repos
et sans sejour. Et quand leurs biensfais est veüs et cogneus, il est ramenteus
et renommés, si com dessus est dit, et escripz et registrés en livres et en croniquez.
Car
par les escriptures trueve on le memore des bons et dez vaillans hommez
de jadis, si com les
IX preux qui passerent route par lor proece, les XII
compagnons chevaliers qui garderent le pas contre
Salehadin et se
poissance, les
XII pers de France qui demorerent en
Raincevaus et qui si vaillanment
se vendirent et combatirent et ensi de tous les
aultrez que je ne puis mies
determiner ne leur biens ramentevoir, car trop poroie ma principal
matere
empechier. Ensi se differe et dissimule li mondes en pluiseurs manierez. Li
vaillant homme travellent leurs menbres en armes pour avanchier leurs
corpz et acroistre leur
honneur. Li peuples parole, recorde et devise de leurs
estas et de leurs fortunes. Li aucun
clerc escripsent et registrent leurs
avenues et leurs baceleries. Or ai je pluiseurs fois eu
ymagination sus l’estat
de proece et penset comment et ou elle a regné et tenu signorie et
domina
tion et salli d’un paÿs en aultre. Sus ces ordenances meismement en ai je
oy parler
et deviser en ma jovenece aucuns vaillans hommes et bons chevalierz,
qui otant bien s’en esmervelloient adont comme je fay maintenant : si vous
en voel declarer
aucune cose. Verités est selonc les anciennes escriptures
que aprés le delouvre et que
Noel et se generation eurent repeuplé le mon
de et que on se commencha a armer
et a courir et a pillier, l’un sus l’autre, pro
ece regna premierement ou
royalme de Caldee par le fait dou
roy Ninus qui
fist fonder et edefier le grant
cité de
Ninivee, qui contenoit III journeez
de lonch, et ossi par le
royne
Semiramis, sa femme, qui fu dame de grant valour.
Aprés, proece se remua et vint
regner en
Judee et en
Jherusalem par le fait de
Josué, de
David et des
Macabiiens. Et quant elle ot la
regné un tamps, elle vint
demorer et resgner ou
royaume de Persse et de Mede par
le fait de
Chirus,
le grant roy, par
Asserus et par
Xersés. Aprés, revint proece regner en
Gresse par le fait de
Herculles, de
Tezeus, de
Yasson et de
Acilles et des
aultres preus chevaliers. Aprés, en
Troyes le grant par le
roy Priant, par
Hector pb 2 v