pb 32 vparmi Biausne et parmi le
Gastinois et revint a
Paris, ou il fu recheus a grant feste.
Adont
estoit li
roiaulmes de France grans, plains et drus et les gens riches et pois
sans de
grant avoir, ne on n’i savoit parler de nulle guerre.
SHF 1-55 sync
Sus l’ordenance de le crois pour aler
oultre mer que li
rois de France avoit en
pris et encargiet et dont il se faisoit chiéz,
se aviserent pluiseur signeur par
le monde et l’emprisent aussi li aucun par grant devotion.
Car li
papes absoloit
tous chiaus de paine et de coupe, qui en ce saint voiage
yroient. Si fu la ditte crois
manifestee et preechie par le monde et venoit a pluiseurs chevaliers
bien a point, qui se desiroi
ent a avanchier. Si se fist li
rois Phelippes, comme chiés
de ceste emprise, le plus grant
et le plus bel apparel qui onques euist esté fais pour aler oultre
mer, ne dou tamps
Godefroy de Buillon, ne d’aultre. Et avoit retenu et mis
en certains pors, c’est as
savoir de
Marselle, de
Aigemortes,
de
Lattes, de
Nerbonne et d’environ
Montpellier,
tel quantité de vaissiaus, de naves, de carraques, de gallés et de barges, que pour
porter et passer LX mille hommez d’armes et leurs pourveanches. Et le fist
tout
le tamps pourveir de besquit, de vins, de douce aigue, de chars sallees et de toutes
aultres coses necessaires pour gens d’armes et pour vivre et si grant plenté que
pour durer
III ans, s’il besongnoit. Et envoia encores li dis
rois de France grans
messages pardevers le dit
roy de Hongherie, qui estoit moult vaillans homs, en lui
priant que il fust aparilliés et
ses paÿs ouvers pour rechevoir les pelerins de
Dieu.
Chis
rois de Honguerie y entendi volentiers et dist que il estoit tous appa
rilliés et
tous pourveus et
ses paÿs ossi de rechevoir le
roy de France et tous
chiaus qui avoech lui yroient. Tout en otel maniere, le segnefia li
rois de France au
roy de Chippre, monsigneur Huge du Luzegnon, un vaillant roy durement, et ossi au
roy de Cecille, qui volentiers y entendirent, et se pourveirent selonc chou bien et
souffissanment a le priiere et requeste dou
roy de France. Encores envoya li dis
rois deviers les
Venissiens en priant et requerant que leurs mettes
fus
sent ouvertes, gardees et pourveuez. Cil obeirent volentiers au
roy de France
et acom
plirent son commandement. Ossi fisent li
Genevois et tout cil dessus
le
riviere de
Genuenes. Et fist li
rois de France passer oultre en le
ville de Rodes
le grant pri
eurs de France pour aministrer vivrez et pourveanches sus leurs mettes.
Et fi
sent
chil de Saint Jehan par acort avoec les
Venissiens
pourveir moult souffissanment
le
ille de Crete, qui est de leur signourie. Briefment,
cascuns estoit apparilliés et re
brachiés de faire tout ce que boin estoit et sambloit pour
requellir les pelerins
de Dieu. Et prisent plus de CCC M personnes le crois
pour aler oultre mer
en che saint voiage.
pb 33 r