pb 37 v
belles baceleriez en Escoce, qu’il estoit durement aloséz, et ossi aucuns aultres chevaliers et
escuiers englés, qu’il vosissent traire devers Gagant et combatre chiaus qui la se te
noient. Li dessus dit obeirent au commandement le roy, leur signeur, et fisent leurs
pourveanches et leur amas de gens d’armez et d’archiers a Londrez, et cargierent
leurs vaissiaus. Quant il furent tout venu et apparilliés, il estoient environ VC arme
ures de fier et II mille archiers. Si entrerent en leur navie, qui estoit toute preste,
et puis si se desancrerent et vinrent a celle maree le premiere nuit gesir devant
Gravesaindez. A l’endemain il desancrerent et vinrent devant Mergate. A le tierce
maree, il tinrent les voilles amont et prisent le parfont et nagierent tant par
mer qu’il veirent Flandrez. Si arouterent leurs vaissiaus et misent en bon convenant.
Si vinrent assés pres de Ghagant a heure de nonne. Che fu le nuit saint Martin en
yvier, l’an mille CCC XXXVII.
SHF 1-63 sync De la bataille de Cagant entre les Anglois et les Flamens. Quand li Englés veirent le ville de Gagant, ou il tendoient a venir, et combatre
chiaus qui par dedens se tenoient, si se aviserent et regarderent qu’il avoient
le vent et le maree pour yauls et que ou nom de Dieu et de saint Jorge il aproche
roient. Dont fissent il sonner leurs trompettez et s’armerent et apparillierent vis
tement et ordonnerent leurs vaissiaus et misent leurs archiers devant, et single
rent fort vers le ville. Moult bien avoient les gettez et les gardes qui en Ghagant
se tenoient, veut approchier ceste grosse armee. Si supposerent assés que c’estoient En
glés; pourquoy il s’estoient ja tout armet et rengiet sus les dicques et sus le sa
blon et mis leurs pennons par ordenance devant yaulx et fait entr’iaus des nouviaus
chevaliers jusques a XVI. Et pooient estre environ V mille tout comptés, bien appert ba
celer et compagnon, ensi qu’il le monstrerent. Et la estoit messires Guis de Flandrez, fre
res au conte Loeis de Flandrez, uns bons et seürs chevaliers, mes bastars estoit, qui amon
nestoit et prioit tous les compaignons de bien faire. Et la estoient messires Ducrez de Hal
luin, messires Jehans de Rodez, messires Gillez de le Trif, qui fu la fais chevaliers, messires Simons
et messires Jehans de Bruquedent, qui furent fait ossi chevalier, et Pieres d’Englemoustier,
et maint compagnon baceler et escuier et appert hommes d’armes, ensi qu’il le mons
trerent et que moult desiroient le bataille as Englés. Estoient tout cil ordonnet et
rengiet al encontre des Engléz. Et n’i ot riens parlementé ne devisé. Car li Englés, qui
estoient en grant d’iaus assallir, et chiaus de deffendre, criierent leurs cris et fisent
traire leurs archiers moult fort et moult roit et tant que chil qui le havene deffendoi
ent, en furent si ensonniiet que, vosissent ou nom, il les convint reculler. Et en y ot
dou trait a che premiers moult de mehagniés. Et prisent tere li baron et li chevalier d’Engleterre.
Et s’en vinrent combatre as hacez et as espees et as glaves, li un a l’autre. Et la y ot pb 38 r