pb 46 v
ville
assés priés de la c’on apelle Honnecourt, ou li plus grant partie dou paÿs estoient
retrait
sus le fiance de le fortereche et y avoient mis tous leurs biens. Et ja y a
voient esté
messires Ernouls de Baquehen et
messires Guillaumes de Duvort et leurs rou
tes, mais riens n’i avoient fait. Dont, ensi que par estramie tout cil signeur dessus
nommet
s’estoient quelliet en grant desir de la venir et de faire leur pooir dou
conquerre. A che dont
avoit dedens
Honnecourt I
abbet de grant sens et de har
die
entrepresure, et estoit moult hardis et vaillans homs as armes, et bien apparut.
Car il fist au
dehors de le porte de
Honnecourt faire et carpenter en grant haste
unes
bailles et mettre et asseoir au travers de le rue; et y pooit avoir entre
l’un bauch et l’autre
environ demi piet de cruez et d’ouvreture. Et puis fist armer
toutes ses gens et cascun aler
as garites, pourveu de pieres, de cauch et de telle
artillerie que il appertenoit pour de
deffendre. Et sitrestost comme chil signeur
dessus nommet vinrent a
Honnecourt, ordonné par bataille et en grosse route et espes
se de gens d’armez durement, il se
mist entre les baillez et le porte de le
ville en
boin convenant. Et fist la porte de le
ville ouvrir toute arriere et monstra et fist
bien chiere et maniere de deffense. La
vinrent
messires Jehans de Hainnau,
messires Henris
de Flandres, li
sires de Fauquemont, li
sires de Berghes et li aultre, qui se misent tout
a piet,
et approchierent ces bailles, qui estoient fortes durement, cascuns son glave
en son poing.
Et commenchierent a lanchier et a jetter grans cops a chiaus de dedenz;
et
chil de
Honnecourt a yaus deffendre vassaument. La estoit
dans abbéz, qui mies
ne
s’espargnoit, mes se tenoit tout devant en tresbon convenant et requelloit les
horions
vaillanment et lanchoit a le fois grans copz moult appertement. La ot fait
tamainte belle
apertise d’armez et assaut tres dur et tres fier et tamaint homme
mort et blechiet. Car cil qui
estoient as murs et as garitez jettoient contreval
pieres et baus et pos plains de cauch pour
plus ensonniier les assallans. La es
toient li baron et li chevalier devant les barrieres, qui y
faisoient merveillez d’armez.
Et avint ensi que
messires Henris de Flandres, qui se
tenoit tout devant, son glave
apuignié, lançoit les horrions grans et perilleux, de quoy
dans abbés, qui estoit
fors et hardis, apoingna le glave au dit
monsigneur Henry et tout paumiant et en
tirant vers lui, il fist tant que, parmi les fendures des barrieres,
il vint jusques
au brach le dit
monsigneur Henri, qui ne voloit mie son glave laissier
aller pour son
honneur. Adont, quant li
abbés tint le brach dou
chevalier,
il le tira si fort a luy
qu’il l’encousi ens es baillez jusquez ens espaullez. Et le tint la a grant
meschief,
pb 47 r