pb 52 v
vaucie estoit retraite; si yssirent baudement hors et les assallirent de grant corage et
les menerent tels que il en tuerent bien la moitiet et leur tollirent tout leur pil
lage et puis retournerent en leur tour. Encores se tenoient les batailles sus le mont
de Castres et tinrent tout le jour jusques apriés nonne, que li coureur revinrent
de tous costés. Dont orent conseil la entre yauls moult grant; et disoient li signeur
que, tout consideret, il n’estoient mies gens assés pour assegier une si grande
ville que Valenchiennes est. Si eurent conseil finablement de departir d’illuec et de
yaus retraire deviers Cambray. Si s’en vinrent che soir logier a Maing et a Fontenellez
et furent la toute la nuit et fissent bon gait et grant. A l’endemain il s’en partirent
mes il ardirent Maing et Fontenelles et toute l’abeie ossi, qui estoit a madame Je
hane de Vallois, ante dou dit duch et suer germaine au roy son pere. De quoy li dus
fu moult courouchiés et fist prendre chiaus qui le feu y avoient mis et bouté. A ce
departement fu pararsse li ville de Trit et li castiaus et li moulin abatu et Prouvi
et Rouvegni, Thians, Monchiaus et tous li plas païs entre Cambray et Valenchiennes.
Che jour chevauça tant li dus de Normendie qu’il vint devant Escaudoevre, I
bon castel et fort dou conte de Haynnau, seant sus le riviere d’Escaut et qui moult
grevoit chiaus de Cambray avoec chiaus de le garnison de Thun l’Evesque. Dou quel
castel d’Escaudoevre estoit capitaine et souverains messires Gerars de Sassegnies, qui
devant che n’avoit eu nulle reproce de diffame. Or ne say je que che fu ne qui
l’en tanta, mais li dus n’ot pas sis devant le fortreche VI jours quant elle li fu rendue
sainne et sauve et entiere, dont tous li paÿs fu esmervilliés et furent souspeçon
net de trahisson messires Gerars de Sassegnies et uns siens escuiers, qui s’apelloit Ro
bers Mariniaus. Chi doy en furent pris et encoupet et en morurent villaine
ment a Mons en Haynnau. Et cil de Cambray abatirent le castiel d’Escauduevre
et en porterent toute le piere a Cambray et en fissent remparer et fortefiier
leur ville.
SHF 1-106 sync Coment ceux de Douay firent une chevauchee en Ostrevan et comment le conte de Haynau fut en Engleterre. Apriés le prise et le destruction d’Escauduevre, se retray li dus Jehans de Normendie
en le cité de Cambray et donna une grant partie de ses gens d’armes congiet
et les aultres envoya ens es garnisons de Lille, de Douay et des fortreces voisines. Et
avint en celle meismes sepmaine que Escauduevre fu prise, que li François qui en
Douay se tenoient, issirent hors et cil de Lille avoeques yaus et pooient estre environ
CCC lances et les conduissoient messires Loÿs de Savoie et messires Aiumars de Poitiers,
li contes de Gevenes, li sires de Villars et li Gallois de le Baume avoeques le signeur
de Wavrain et le signeur de Wasiers. Et vinrent en celle chevaucie ardoir en Haynau
che biau plain païs d’Ostrevant et n’y demora riens dehors les fortreches, dont
chil de Bouchain furent moult courouchiet, car il veoient les feus et les fumieres pb 53 r