pb 53 rautour d’iaulz, et se n’i pooient mettre remede. Si envoiierent
il a
Vallenciennes en
disant que, se de nuit il vouloient issir hors environ V
C ou VI
C armeures de fier, il
porteroient
grant damage as
François qui estoient encore tout quoy et logiet
en plain
paÿs; mes
chil de Valenchienes n’en eurent point conseil de partir, ne de
widier leur ville. Par ensi n’eurent li
François point d’encontre; si ardirent il
A
nich et le moitiet d’
Ascons, Escaudain,
Here,
Fenain,
Denain,
Montegni,
Warlain,
Mauni,
Au
brecicourt,
l’Ouch, Sauch, Ruet,
Nuefville,
Le Lieu Saint Amand, et tous les villages qui en
che paÿs estoient, et en
remenerent grant pillage et grant proie en leurs garnisonz.
Et quant
cil de Douay
furent retrait, li saudoiier de
Bouchain issirent hors et chevau
cierent et
ardirent l’autre partie de le ville d’Ascons, qui se tenoit franchoise, et tous
les
villiaus françois jusques ens es portes de
Douay, et le ville d’Esquerchin. Ensi que
je vous ai dit par dessus que les garnissons sus les
frontieres estoient pourveues et
garnies de gens d’armes, et souvent y avoit des chevaucies
et des rencontréz et
des fais d’armes des uns as aultres, ensi que tels besongnes appertienent.
Si avint en
celle meisme saison que saudoiier allemant, qui se tenoient depar l’evesque
de Cambray
en le
Malemaison, a II lieues dou
Castiel Cambrissien, marchissant d’autre part plus
priés de
Landrechies, dont li sires de Potielles, uns appers chevaliers hainnuiers, estoit capitain
ne et gardiiens, car li contes Loÿs de Blois, quoyqu’il en fust sires, avoit rendu son
hommage au conte de Haynnau, pour tant qu’il estoit françois, et li contes le
tenoit
en se main et le faisoit garder pour les
François. Si avoit souvent le
hustin chil de
le Mallemaison et cil de Landrechies ensamble. Dont
issirent un jour hors de le
Male
maison li dessus dit
Allemant bien armé et bien monté, et vinrent courir devant le
ville de
Landrechies entre les
Hainnuiers qui la se tenoient. Dont
s’arma li sires de Potiellez
et fist armer les compaignons, et monterent a cheval et
se partirent pour rescourre
as
Allemans le proie qu’il en menoient. Si estoit
adont li sires de Potielles tout devant,
et le sievoient ses gens, cascuns qui mieux
mieulx. Ils, qui estoit de grant volenté et
plains de hardement, abaissa son glave et escria as
François qu’il retournaissent,
car c’estoit hontes de fuir. La avoit un
escuier allemant que on appelloit Albrest de
Coulongne, appert homme d’armes
durement, qui fu tous honteus quant il se vey ensi ca
chier; si retourna francement et abaissa
son glave et feri chevaus des esporons, et
s’adrecha sus le signeur de Potiellez, et
li chevaliers sur lui, telement qu’il le feri sus sa targe
un si grant horion que li glave volla en
tronchons. Et li
Allemans le consieuwi par tel
maniere de son glave roide
et enfumee, que onques ne brissa ne ne ploia, mes per
cha la targe, les plattes et l’auqueton,
et li entra dedens le corps, et le poindi droit
pb 53 v