pb 53 v
au cuer, et l’abati jus dou cheval navret a mort. Dont vinrent li compagnon haynnuiier,
li sires de Bousies, Gerars de Mastain et Jehans de Mastain et li aultre qui de priez
le sievoient, qui s’arresterent sur lui, quant en ce party le veirent, et le regreterent
durement; et puis requisent les François fierement et asprement, en contreven
gant le signeur de Potelles qui la gisoit navrés a mort. Et combatirent et assallirent
si dur Albrest et se route qu’il furent desconfit, mort et pris. Peu en escaperent, et
la proie fu rescousse et ramenee, et li prisonnier ossi en Landrechies, et li sires de Potel
les mors, dont tout li compagnon furent courouchiet.
SHF 1-107 sync Apriés le mort le signeur de Potelles, li sires de Floion fu un grant tamps gardiienz
de le ville et dou chastiel en Cambresis et des fortereches voisines, qui ennemiez
leur estoient. Ensi coururent un jour li Hainnuier et l’autre li François. Si y avoit
souvent des rencontres et des escarmuches et des rués jus des uns et des aultres,
car au voir dire telz besongnes le requierent. Si estoit li païs de Hainnau en grant
tribulation et en grant esmaÿ, car une partie de leur paÿs estoit ars et essilliés; et
si sentoient encore le duc de Normendie sus les frontieres, et ne savoient qu’il
avoit enpenset, si n’ooient nulles nouvelles de leur signeur le conte de Haynnau.
Bien est voirs qu’il avoit esté en Engleterre ou li rois et li baron dou paÿs l’avoient
grandement honnouré et festiiet; et avoit fait et juret grans alliances au
roy englés, et s’en estoit partis et allés en Allemaigne devers l’empereur Loÿs
de Baiviere : c’estoit la cause pourquoy il sejournoit tant. D’autre part, messires
Jehans de Haynau, ses oncles, estoit allés en Braibant et en Flandres, et avoit re
monstré au dit duc de Braibant et a Jaquemon d’Artevelle le desolation dou pa
ïs de Haynnau, et comment li Hainnuier leur prioient qu’il y volsissent entendre
et pourveir de conseil. Li dessus dit l’en avoient respondut que li contes ne pooit lon
gement demorer; et, lui revenu, il estoient tout apparilliet d’aler a tout leur po
oir la ou il les voroit mener. Or revenrons nous au duc Jehan de Normendie, et
recorderons comment il assega chiaus de Thun l’Evesque.
SHF 1-108 sync Coment le duc Jehan de Normendie mit le siege devant Thun l’Evesque. Entrués que li dus de Normendie se tenoit en le chité de Cambray, li dis evesquez
et li bourgois dou lieu li remonstrerent comment li Hainnuier avoient pris et
emblet le fort chastiel de Thun, et que, par amours et pour se honneur et le pourfit
del commun paÿs, il vosist mettre conseil et entente au ravoir, car cil de le garnisson
constraindoient durement le paÿs de la environ. Li dis dus y entendi volentiers, et
fist derechief semonre ses hos, et mist ensamble grant fuison de signeurs, de gens d’ar
mes, qui se tenoient en Artois et en Vermendois, les quels il avoit eus en se premiere
chevaucie; et se parti de Cambray et s’en vint a toutes ses gens logier devant Thun pb 54 r