pb 54 r
l’Evesque, sus le
riviere d’Escaut, en ces biaus plains au
lés devers
Ostrevant. Et fist li
dus la mener et achariier VI grans engiens de
Cambray et de
Douay, et les fist
dre
chier et asseoir fortement devant le fortrece. Chil engien y gettoient nuit et jour
pieres
et mangonniauls a grant fuison, qui effondroient et abatoient les combles et
les tois de tours,
de cambres et des salles. Et constraindirent par ce dit assault durement
chiaus dou castel, et n’osoient li compagnon qui le gardoient demorer en cambre ne
en salle qu’il
euissent, fors en caves et en celiers. Onques gens d’armes ne souffrirent,
pour leur honneur
en forterece tant de painne ne de meschief que chil fissent. Des
quels estoit souverains et
chapitains uns chevaliers englés qui s’apelloit messires Richars
de Limosin, et ossi
doy escuier de Haynnau, freres au signeur de Mauni, Jehans et Thie
ris. Chil troy dessus tous les aultres en
avoient toute le carge, le paine et le fais. Et
tenoient les aultres compaignons en vertu et en
force, et leur dissoient: "Biau signeur,
nos sires li gentils contes de
Haynnau venra un de ces jours a si grant host contre les
Fran
çois, qu’il
nous delivera a toute honneur de che peril. Et nous sara grant gré de ce
que si franquement
nous serons tenu." Ensi reconfortoient li troy dessus dit les
compagnons
qui n’estoient mie a leur aisse. Car pour yaus plus grever et plus
tost amener a merchi, chil
del host leur jettoient et envoioient chevaus mors
et bestes mortes et puans, pour yauz
empunaissier, dont il estoient la dedens
en grant destreche. Car li airs estoit fors et chaus
enssi qu’en plain esté. Et furent
plus adit par cel estat que par aultre cose. Finablement, il
regarderent et consi
dererent entre yaus que celle mesaise il ne pooient longuement souffrir
ne por
ter, tant leur estoit la punaisie abhominable. Si en eurent conseil et avis de trai
tier
unes trieuwes a durer XV jours, et la en dedens segnefiier leur povreté a
mon
signeur Jehan de Haynnau, qui est regars et gardiiens de tout le paÿs, afin qu’il
en fuissent conforté; et se il ne l’estoient, il renderoient le fortreche au dit duc
de
Normendie. Cils tratiés fu entamés et mis avant. Li dus leur acorda et
mist en
souffrance tous assauls et leur donna trieuwez XV jours, qui fisent moult
de
biens as compagnons dou dit fort. Car aultrement il euissent esté tout mort
et enpunaissiet
sans merchi, tant leur envoioit on de carongnes pouries et
d’autres ordures par les engiens.
Si fisent tantost partir
Ostelart de Soumain par le traitiet devisant, qu’il s’en
vint a
Mons en Haynau, et trouva la le signeur
de Biaumont qui
avoit oy nouvelles de son neveut le conte de Haynnau qui s’en reve
noit en son
païs, et avoit esté devers l’empereur et fait grans alliances a lui et ossi
as
signeurs de l’
Empire, le duc de Guerlez, le conte de Jullers,
le marchis de Blanque
pb 54 v