pb 56 vpaÿs." Ces parolles ne plus ne mains raporta li sires de Maubuisson a monsigneur Jehan
de Haynnau, qui la l’atendoit sus le rivage. Et quant la relation l’en fu faite, si dist
au chevalier : "Grant merchis !" Lors s’en parti et s’en revint arriere a leur logeis. Et trova
le conte de Haynnau, sen nepveut, qui juoit as eskiés au conte de Namur. Li contes se
leva sitost qu’il vit son oncle, et li demanda nouvelles. "Sire", dist monsigneurs Jehan de
Haynnau, "a ce que je puis veoir et considerer, li rois de France et ses consaus prendent
grant plaisance a che que vous sejournés chi a grant frait. Et dient ensi qu’il vous
feront despendre et engagier toute vo terre. Et quant bon leur samblera, il vous com
bateront, non a vostre volenté ne aise, mais a le leur." De ces responses fu li contes de
Hainnau tous grigneus, et dist qu’il n’iroit mies ensi.
SHF 1-113 sync La bataille par mer qui fut devant l’Escluse en Flandres entre les Franchois le roy d’Engleterre et les Franchois. Nous nos tairons un petit a parler dou duc de Normendie et dou conte de Hain
nau. Et parlerons dou roy Edouwart d’Engletere, qui s’estoit mis sus mer pour
venir et ariver, selonc s’entencion, en Flandres, et puis venir en Haynau aidier a
guerriier le conte, son serouge, contre les François. Ce fu le jour devant le vegille
saint Jehan Baptistre, l’an mil CCC et XL, qu’il nagoit par mer a belle carge de navez
et de vaissiaus, et estoit toute sa navie partie dou havene de Tamisse, et s’en venoit
droitement pour arriver a l’Escluse. Et adont se tenoient entre Blanqueberge et
l’Escluse et sus le mer messires Hues Quierés, messires Pieres Bahucés et Barbevaire, a plus
de VIIXX gros vaissiaus sans les hacquebos. Et estoient bien Normans, bidaus, Genevoiz
et Picars XL mille, et estoient la ancré et arresté au commandement dou roy de Fran
ce pour attendre le revenue dou roy d’Engleterre. Car bien savoient qu’il devoit
rapasser; se li voloient veer et deffendre le passage, enssi qu’il fissent bien et har
diement, tant qu’il peurent, si comme vous orés recorder. Li rois d’Engletere et li
sien, qui s’en venoient tout singlant, regardant et voient devers l’Escluse si grant
quantité de vaissiaus que de mas che sambloit droitement uns bos. Si en fu forment
esmerveilliés et demanda au patron de se navie quelx gens ce pooient estre. Il respon
di qu’il supposoit bien que ce fust li armee des Normans que li rois de France te
noit sus mer, et qui pluiseurs fois li avoient fait grant damage, et tant que ars
et robet le bonne ville de Hantonne, et conquis Christofle, son grant vaissiel, et
ochis chiaus qui le gardoient et conduissoient. Dont respondi li rois englés : "J’ay
de lonc tans desiret que je les peuisse combatre; si les combaterons, si plaist a Dieu
et a saint Gorge. Car voirement m’ont il fait tant de contraires que j’en voel
prendre le vengance, se g’i puis avenir." Lors fist li rois ordonner tous ses vaissiaus
et mettre les plus fors devant, et fist frontiere a tous costéz de ses archiers; et
entre deus nés d’archiers, en y avoit une de gens d’armes, et encores fist il une pb 57 r