pb 57 vtailles et assauls sus
mer sont plus dur et plus fort que sus terre; car la ne puet
on reculler ne fuir, mais se faut
vendre et combatre, et atendre l’aventure, et
cascun en droit lui moustrer son hardement et
se proeche. Bien est verités
que messires Hues Quierés estoit bons chevaliers et
hardis, et ossi messires Pieres Bahu
cés et
Barbevaires, qui dou
tamps passet avoient fait maint meschief sus
mer, et mis adfin tamaint
Englés. Si dura la bataille et la pestilense, de l’eure
de prime jusques a haulte nonne. Si poés bien
croire que che terme durant il
y ot mainte apertise d’armes faite. Et couvint la les
Englés souffrir et endurer
grant painne, car leur ennemit estoient IIII
contre I, et toute gent de fait
et de mer. De quoy li
Englés,
pour tant qu’il besongnoit, se prendoient moult priés
de bien faire. La fu li rois
d’Engleterre de sa main tres bons chevaliers, car il estoit
adont en le fleur de se
joveneche. Et ossi furent li contes d’Erbi, li contes de
Pennebrucq, li contes de Herfort, li contes de Hastidonne, li contes de Kent, li
contes de Norhantonne et de Clocestre, messires Regnaus de Gobehen, messires Rich
ars de Stanfort, li sires de Persi,
messires Gautiers de Mauni, messires Henris de
Flandres, messires Jehans de Biaucamp,
li sires de Feleton, li sires de Braston, me
sires Jehans Chandos,
li sires de le Ware, li sires de Mulleton et
messires Robers
d’Artois,
qui s’appelloit contes de Richemont, et estoit dalés le roy en grant aroy
et en
bonne estoffe, et pluiseur aultre baron et chevalier, plain d’onneur et de proeche, des quels
je
ne puis mie de tous parler ne leurs bienfais ramentevoir. Mes il s’i esprouvoi
ent si bien et si
vassaument, parmi un secours de
Bruges et dou païs voisin qui leur
vint,
qu’il obtinrent le place et l’iauwe. Et furent li
Normant et tout chil qui la estoi
ent encontre yaus mort et desconfi, peri et noiiet, ne onques piés n’en escappa que
tout
ne fussent mis a bort. Ceste aventure fu moult tost sceue parmi
Flandres et puis
en
Haynau. Et en vinrent les certaines nouvelles ens es II hos, a heure de mienuit, de
vant
Thun l’Evesque. Si en
furent
Haynnuier,
Flamenc,
Allemant et
Braibençon moult
resjoy, et li
François tres courouchiet.
Or vous conterons dou roy englés comment il
persevera apriés le bataille
faite en le mer.
SHF 1-116 sync
Quant ceste victore, ensi
que dessus est dit, fu avenue au roy englés, il demora
toute celle nuit, qui fu la vegille saint Jehan Baptiste, sus mer en ses naves de
vant
l’Escluse,
en grant bruit et en grant noise de trompes et de nacaires et de tou
tes manieres de
menestraudiez. Et la le vinrent veoir
chil de Flandres, qui estoient
enfourmet de se
venue. Si demanda li dis rois nouvelles as
bourgois de Bruges de
Jaquemon d’Artevelle. Et chil respondirent qu’il estoit a une semonse dou conte de
Hayn
nau contre le duch de Normendie, a plus de LX mille
Flamens. Ces parolles furent
pb 58 r