pb 58 rassés plaisans au roy englés. Quant ce vint a l’endemain, le jour saint Jehan, li rois et toutes
ses gens prisent port et terre. Et se mist li rois tout a piet, et grant fuisson de se che
valerie; et s’en vinrent en cel estat en pelerinage a Nostre Dame d’Ardembourc. La oÿ
messe li rois et disna, et puis monta; et vint celi jour, sus le soir, a Gand, ou mada
me la roine estoit, qui le rechut a grant joie. Et toutes les gens le roy et tous leurs
harnois vinrent celle part depuis petit a petit. Li rois d’Engleterre avoit escript et
segnefiiet sa venue as signeurs qui encores estoient a Thun l’Evesque, devant les
François: siques, si tretost qu’il sceurent qu’il estoit a rivés, et qu’il avoit desconfis les
Normans, il se deslogierent. Et donna li dis contes de Haynau, a quel priiere et
mandement il estoient la venu, toutes manieres de gens congiet, excepté les cors
des grans signeurs. Mes chiaus la mena il en Valenchiennes, et les festia et hon
noura grandement, par especial le duc de Braibant et Jaquemon d’Artevelle. Et la
preecha li dis d’Artevelle, en my le marquiet, present tous les signeurs et chiaus
qui le peurent oir. Et remoustra quelz drois li rois d’Engletere avoit a le calen
ge de France, et ossi quel poissance li troy paÿs avoient, de Flandres, de Haynnau
et de Braibant, quant il estoient d’un acord et d’une alliance ensamble. Et fist tant
adont, par ses parolles et par son grant sens, que toutes manieres de gens qui
l’oirent et entendirent, dissent qu’il avoit durement bien parlé et par grant
experienche, et en fu de tous moult loés et prisiés; et disent qu’il estoit bien disnes
de gouvrener et exerser le conté de Flandres. Apriés ces coses faites et deviseez,
li signeur se partirent li un de l’autre, et prisent I brief jour de estre en
samble a Gand dalés le roy d’Engleterre. S’i furent le VIe jour apriés, et vinrent
veoir le roy, qui les rechupt a grant chiere, et les conjoÿ et festia moult liement.
Et ossi fist la royne d’Engleterre, Phelippre de Haynau, qui assés nouvellement
estoit relevee d’un fil qui s’apelloit Jehans, et fu depuis dus de Lancastre depar
madame Blance, sa femme, fille au duc Henri de Lancastre, si com vous orés recor
der avant en l’istore. Adont fu pris et assignés uns certains jours de parle
ment, a estre a Villevort tous les signeurs et les consaulz des bonnes villes de
leurs païs. Si se partirent dou roy d’Engletere, et s’en rala cascuns en son lieu, at
tendans que li termes devoit venir pour estre a Villevort, si com dessus est dit.
Or vous conterons I petit dou roy de France et de aucunes de ses ordenancez,
qu’il fist depuis qu’il sceut que li rois englés fu arivés en Flandres.
SHF 1-117 sync Coment le roy Robert mist paine Gap: illegible les roys de France et d’Engleterre. Quant li rois Phelippes de France seut le verité de sen armee sus mer, con
ment il avoient esté desconfy, et que li rois englés, ses adversaires, estoit pb 58 v