pb 8 rSi se herbegierent et rafreschirent en ceste
abeye par III jours
et fisent
penser de leurs chevaus bien et fort. Car il en pensoient temprement a avoir a faire.
SHF 1-12 sync
Coment la royne Ysabel ariva en Engleterre avec mesire Jehan de Haynau. Et asieg le roy son mary en la ville de Bristo.
Nouvelles s’espandirent par le
païs tant que elles parvinrent a cheus par
qui
seurté et mandement la dicte
dame estoit rapassee si se apparillierent dou plus
tost
que il peurent de venir vers li et vers
son fil qui il voloient avoir a signeur.
Et li premiers qui vint encontre lui et qui plus grant confort donna a chiaus qui
estoi
ent venu avoec lui, che fu li
contes Henris de Lancastre au Tors Cel, qui fu freres
au
conte Thumas de Lancastre, qui fu decollés si com
vous avés oy par dessus. Et fu portés au
duch de Lancastre qui
fu si bons chevaliers et si recommandés, si com vous porés oir en ceste
histore, ains que
vous venés a le conclusion. Chis
contes Henris de Lancastre dessus
dis vint
a grant compagnie de gens d’armes. Aprés tant d’uns et d’autres, vinrent
contes, barons,
chevaliers et escuiers atout gens d’armes, ensi qu’il aloient avant. Si
eurent conseil entre
yaulx
madame la roine et li baron, chevalier et escuier, qui ve
nu estoient encontre
li, que il yroient droit a
Bristo a tout leur pooir, la ou li
rois se
tenoit adont et li
Despensiers, qui estoit bonne ville, grosse et riche et fortement
fremee, seans sus I
boin port de mer. Si y a I
castiel trop durement fort
seant
sus mer, si que li mer flote tout autour la endroit se tenoit li
rois,
messires Huez
li Despensiers li peres, qui estoit pres en l’eage de IIII
XX
et X ans,
messires Hues li filz,
li mestres consillieres le roy, qui tous les
mauvais fais li consilloit, li
contes d’A
rondiel, qui avoit a femme la
fille
monsigneur Huon le Despensier le jovene, et ossi
pluiseur chevalier et escuiier, qui
repairoient entour le
roy et entour le court,
ensi que gens d’estat repairent
volentiers entour leur signeur. Si se misent
madame la roine et toute sa compagnie,
messires Jehans de Haynau, chil conte et
chil baron d’
Engleterre
et leurs routes au droit chemin pour aller celle part.
Et par toutes les villez, la ou il entroient,
on leur faisoit feste et honneur et
toudis leur venoient gens a destre et a senestre de tous
costés. Et tant fisent
par leurs journees qu’il parvinrent devant le
ville de Bristo,
si le assegierent
a droit siege fait.
SHF 1-13 sync
Li
rois et
messires Hues
li Despensiers li fils se tenoient volentiers ou
castel.
Li
vielles messires
Hues li peres et li
contes d’Arondel se tenoient en le
ville
de Bristo
et pluiseurs aultre qui estoient de leur acord. Quant cil aultre et
chil de
le ville
veirent le pooir la
dame si grant et si efforchiet et presque toute
Engle
terre estoit de leur acord et veoient le peril et le damage si apparant, il eu
rent conseil
qu’il se renderoient et le
ville avoekes, salve leurs vies, leurs menbrez
pb 8 v