Gap: sampling
SHF 1-35 sync
Comment les Anglois et les
Escocs furent les uns devant les autres sans eulx combatre. Et
comment messire
Guillaume de Douglas vint vaillanment par nuit en l’ost
des Anglois.
Quant le
conseil du roy d’Angleterre vit qu’ilz
n’auroient autre chose
ilz firent crier et commander que chascun
se logast illecques ou
il estoit sans recu
ler.
¶ Ainsi logierent ilz celle nuit
a moult de mesaise sur dure terre et
pierres sauvaiges, et tousjours arméz
a grant meschief. Les garçons recou
vroient des
pelx et des berges pour lier
leurs chevaulx. Ilz n’avoient ne fourra
ge ne littiere pour
eux aisier ne busche
pour faire feu.
¶ Et quant les
Escocs apparceurent que les
Anglois se logoient
en telle maniere, ilz firent demourer au
cuns de leurs gens
sur leurs places, la
ou ilz avoient establies leurs batailles,
et puis se retrairent en leurs
logeis et
firent tantost tant de feux que merveil
les estoit a regarder et firent entre nuit
et jour si grant bruit de corner de leurs
grans cors tout a une voix et de huer
aprés
qu’il sembloit proprement que tous
les deables d’enfer feussent la venuz pour
eulx
estrangler.
¶ Ainsi furent ilz lo
giéz celle nuit qui fut la nuit saint Pier
re
a l’entree d’aoust, l’an mil CCCXXVII,
jusques a
l’andemain que les seigneurs
oyrent messe. Quant ce vint le jour
saint Pierre que la messe fut ditte, on
fist chascun armer et les batailles ren
gier aussi bien sur leur piece de terre
comme le jour devant, et demourerent
les
deux osts ainsi rengiéz tout le jour
jusques aprés mydi que oncques les
Escots n’en firent semblant de venir
vers les
Anglois,
ne aussi les
Anglois d’aler vers eulx. Car ilz ne les pouoient
bonnement approuchier sans trop
grant meschief.
¶ Plusieurs com
paignons anglois qui avoient che
vaulx dont ilz se
pouoient aidier,
passerent la riviere a pié pour escar
mouchier a eulx, et aussi se
desroute
rent aucuns
Escocs qui couroient et
racouroient tout
escarmouchant
l’un a l’autre, tant qu’il en y ot de mors
et de navréz et de prisonniers
des uns
et des autres.
¶ Ainsi comme aprés
midi les seigneurs d’
Angleterre
firent
a savoir que chascun se traist a sa loge
et leur sembla qu’ilz estoient la pour
neant.
¶ En tel estas furent ilz par
trois jours et les
Escocs d’autre part
sur leur montaigne sans partir.
Toutesfois y avoit
il tous les jours
gens escarmouchans d’une part et
d’autre et souvent des mors et des
pris
et toutes les vesprees les
Escocs a la nuit
faisoient par coustume
si grans feux
et tant faisoient si grant bruit de cor
ner et de huer tous a une voix qu’il
sembloit proprement aux
Anglois que
ce feust ung
droit enfer et que tous les
deables feussent la assembléz par droit
advis. L’intention des
seigneurs
pb 19 r (vol. 1)