messire Sance de Bussoit, le sire de Ver
taing, le sire de Potelle, le sire de Villiers,
le sire de Henin, le sire de Sars, le sire
de Bousiers, le
sire d’Aubrecicourt, le sire
d’Estrumel,
messire Oulfart de Glistel
le, et pluseurs autres chevaliers et escuiers,
tous en grant desir de servir leur
maistre.
Comment la royne d’Angle
terre et messire
Jehan de Haynault et leurs gens arriverent en Angleterre.
Quant ilz furent partiz du
havre
de Dourdrech moult estoit bel
le navie selon leur quantité et bien
ordonnee et le temps bel et sery et asséz
moiste et attrempé et geurent a l’encre
celle premiere nuittee devant les ys
les de
Hollande sur le partement
de la terre.
¶ L’andemain ilz se desan
crerent et sachierent leurs singles
amont
et se mistrent au chemin en
coustiant
Zelande et avoyent entente
de
prendre terre a un port qu’ilz avoient
avisé, mais ilz ne pourent car un
grant tourment
les prist en mer
qui les mist si hors de leur chemin
qui ne sceurent dedens deux jours ou
ilz estoient. De quoy Dieu leur fist grant
grace et leur envoya belle aventure.
Car se ilz
se feussent embatus en ycel
lui port qu’ilz avoient
chosi ou aucques
pres, ilz estoient perdus davantaige
et cheuz es mains de leurs annemis,
qui bien savoient leur venue et les
attendoient
la endroit pour eulx tous
mettre a mort et le
jeune Edouart et
la
royne, mais Dieu ne le voult mie
consentir et les fist ainsi comme par
droit miracle
destourner, comme vous
avéz ouy.
¶ Or advint que au chief
de deux jours ce tourment cessa
et
apperceurent les mariniers terre en
Angleterre. Si
se trayrent celle part
moult joyeux et pristrent terre sur le
sablon et sur le droit rivage
de la mer,
sans havre et sans droit port. Si demou
rerent sur ce sablon par trois jours a
pou de pourveance et de vivres, en deschar
gant leurs chevalx et leurs
harnoys
et si ne savoient en quel endroit d’
Angle
terre ilz estoient
arrivéz, ou en pouoir
d’amis ou en pouoir d’annemis.
¶ Au
IIII
e jour ilz se mistrent a voye a l’aven
ture de Dieu et de
monseigneur saint
George, comme ceulx qui avoient en tou
tes mesaises de fain et de froit, par nuit
et par jour avecques les grans paours
qu’ilz avoient eues et avoient encores.
Si chevacherent tant amont et aval
d’une part
et d’autre qu’ilz trouverent
aucuns hameléz et puis aprés si trouve
rent une
grant
abbaye de noirs moi
nes que on claime Saint Ayme, et s’i ha
bergerent et
refrescherent par III jours.
SHF 1-12 sync
Comment les barons d’Angleterre alerent a l’encontre de la royne, et eurent conseil qu’ilz
assiegeroient le roy et les Despensiers.
Adont s’espandirent nouvelles par
le
paÿs tant qu’elles
vindrent a
ceulx a quel seurté et mandement la
dicte
dame estoit rapassee.
¶ Si se ap
pareillerent de venir vers
son filz, qu’ilz
vouloient
avoir a seigneur, le plus
tost qu’ilz pourent, et le premier qui
vint contre
lui et plus grant confort
donna a ceulx qui estoient venus avec
ques lui, ce fut le
conte Henry de Lan
claistre au Tort Col, qui fut frere au conte
Thomas de Lanclaistre, qui fut decoléz
si comme vous avéz ouy cy dessus, et
fut pere au
duc de
Lanclaistre, qui fut
pb 8 v (vol. 1)