ilz s’armerent, et firent armer tous
ceulx de leur costé, et revelerent
secretement ces nouvelles en
plusieurs lieux pour avoir plus
de confortans, et s’en vindrent Jehan
et Simon Maillart pourveuz d’ar
meures et de bons compaignons
bien avisiéz pour savoir quelle
chose ilz devoient faire un petit
devant mienuit a la Porte Saint Anthoine
et trouverent le dit prevost des mar
chans, les clefs de la porte en ses mains.
Le premier parler que Jehan Maillart
lui dist, ce fut que il lui demanda
par son nom: "Estienne, Estienne, que
faites vous ci a ceste heure?" Le prevost
lui respondi: "Jehan, a vous qu’en monte
de savoir? Je suis ci pour prendre garde
de la ville dont j’ay le gouvernement."
"Par Dieu," respondi Jehan, "il ne va mie
ainsi. Mais n’estes ci a ceste heure
pour nul bien, et je le vous monstre",
dist il a ceulx qui estoient deléz lui,
"comment il tient les clefs des portes
en ses mains pour trahir la ville".
Le prevost des marchans s’avança
et dist: "Vous mentéz!" Et tantost ferist
a lui, et dist a ses gens: "A la mort! A la
mort tout homme de son costé. Car ilz
sont trahistres." La ot grant hustin
et dur, et s’en fust volentiers le prevost
des marchans fouy s’il eust peü.
Mais il fut si hasté qu’il ne pot. Car
Jehan Maillart le feri d’une hache
sur la teste, et l’abati a terre, quoy
que ce fust son compere, ne ne se
parti de lui jusquez a ce qu’il fut
occis, et six de ceulx qui la estoient,
et le demourant pris et envoiés
en prison et puis commencerent a es
veillier les gens parmi les rues