Adont s’avancierent
messire Robers et ses
gens si saillirent en la nef espaignolle
de grant voulenté, les espees
nues es mains
envaïrent ceulx que la dedens trouverent
tellement qu’ilz furent tous
mors et mis
a mort et fu la nef conquise.
SHF 1-328 sync Finablement
les
Englois orent le meilleur, si y perdirent
les
Espaignols XIIII grosses nefs et le de
mourant se sauva et passa oultre, quant
tous furent passéz, et que le
roy et ses
gens ne savoient a qui combatre ilz
sonnerent leurs trompettes de retraite,
si se mistrent a voie devers
Engleterre et prindrent terre a
Rie et a
Wincenesse un
pou aprés jour failli. Puis remercia
le
roy et congea l’endemain ses gens, et
retourna chascun chiés soy.
SHF 1-329 sync
Comment messire Joffroy de Chargny prist Amery
le Lombart, qui avoit esté capitaine a Calais.
Vous avés oy dessus comment
Amery
de Pavie, un Lombart,
devoit rendre
Calais aux
François, et comment ilz
faillirent.
Vray est que
messire Godefroy de Chargny et
ceulx qui avec lui
estoient prisonniers,
se raençonnerent le plus tost que porent
et retournerent en
France, si vint
messire
Joffroy demourer a
Saint Omer
par l’insti
tution du
roy Phelippe de France, tost
aprés entendy que ce
Lombart s’estoit amas
séz en
un petit chastel en la marche de Ca
lais que on
dist Fretin que le
roy d’Engleterre lui avoit donné et se tenoit la tous quoy
le dit
Amery et se donnoit du bon temps
et
avec avec lui une belle femme a amie
qu’il avoit amenee d’
Engleterre. Adont
messire Joffroy
enquist secretement a ceulx
du paÿs se ce
chastel de Fretin on pourroit
avoir;
si fu informéz que oyl legierement.
Car cel
Amery ne se tenoit en nulle
doubte. Mais tout asseur sans nulle garde.
Lors
messire Joffroy fist a
Saint Omer une
assemblee de gens d’armes secretement
et prist les
arbalestiers et se party de
Saint Omer sur un vespre et chevauça
tant
toute nuit avec ses gens que droit
au point du jour ilz vindrent a
Fretun,
si environnerent le
chastel qui n’estoit
mie grant, et entrerent ceulx de pié
de
dens les fossés et firent tant que furent
oultre. Les mesgnies de leans s’esveillerent
pour le frainte et vindrent a
leur maistre qui se dormoit, si
lui disent: "Or tost,
sire,
levéz vous sus. Car il y a la hors grans gens
d’armes qui mettent leur entente a entrer
ceans." Amery fu tout effraiés et se leva
le plus tost qu’il pot, mais ne pot oncques
si tost avoir fait que sa court fu plaine
de
gens d’armes, si fu pris
Amery et s’amie
tant seulement, on ne
viola oncques plus
de riens le
chastel, car treves estoient entre
les
François et les
Englois,
messire Joffroy fist le dit
Amery mener a
Saint Omer, si
le fist morir a grant
martire sur le
marchié present les chevaliers et escuiers du paÿs, et
s’amie n’ot garde. Car il la descoulpa a la
mort, depuis se mist elle a un escuier
de
France.
SHF 1-330 sync
Des penantiers qui alerent en Alemaigne contre la voulenté du pape.
En l’an mil III
C XLIX alerent les peni
tanciers qui yssirent premierement
d’
Alemaigne. Et furent gens
qui faisoient
penitances publiques et se batoient d’escor
gees a bourdons et a aguillons
de fer,
tant qu’ilz desciroient leurs dos et leurs
espaulles, et chantoient chançons moult
piteuses de la nativité et souffrance de
Nostre Signeur, et ne pouoient par leur
ordonnance
gesir que une nuit en une bonne ville et
se partoient d’une ville par
compaignie
tant du plus comme du mains, et alerent
ainsi par le paÿs faisans leur
penance
XXXIII jours et demy, autant que
Jhesu
Crist ala par terre, puis retournoient
en leurs lieux, si fu ceste chose commencee
par grant humilité et pour prier Nostre Seigneur
qu’il voulsist refraindre son ire et
cesser
ses verges. Car en ce temps par tout le
monde generalment, une maladie couru
que on appelloit epidimie, dont bien la tierce
partie
mouru. Et furent faites par ces pe
nitances plusieurs belles paix de mors de hommes
ou
en devant on ne pouoit estre venu par
moien ne autrement, si ne dura point
ceste chose
long terme. Car l’
Eglise ala au
devant, et n’en entra onques nulz ou
royaume de France. Car le
roy le defendy
par l’inhibition et
correction du
pape qui
point ne voult approuver que ceste chose
fust de value
a l’ame, pour plusieurs raisons
qu’il y mist, dont me passe briefment, et
furent tous
beneficiiés et tous clers qui
pb 360 v