avoit un plait en Avingnon de
vant le pape pour les disiemes
de sa ville a l’encontre d’un clerc
de Castelongne, le quel clerc estoit
en clergie tresgrandement bien
fondé et clamoit a avoir grant
droit en ces dismes de Korasse
qui bien valoient de revenue
cent florins par an, et le droit
qu’il y avoit, il le monstra et
prouva. Car par sentence dif
finitive pape Urbain Ve en con
sistoire general en determina
et condempna le chevalier, et juga
le clerc en son droit. Le clerc, de la
derraine sentence du pape,
leva lettres et prist possession et
chevaucha tant par ses journeez
qu’il vint en Beerne et monstra
ses lettres et se fist mettre par
la vertu des bulles du pape
en possession de ce dymage.
Le sire de Korasse ot grant in
dignation sur le clerc et sur ses
besoingnes et vint au devant
et dist au clerc: "Maistre Pierre",
ou "maistre Martin" ainsi que
on l’appelloit "Penséz vous que
pour voz lettres je doie perdre
mon heritaige? Je ne vous sçay
pas tant hardi que vous en
levéz ne prenéz ja chose qui soit
miene, car se vous le fait
tes, vous y mettréz la vie, mais
aléz empetrer ailleurs benefice,
car de mon heritaige vous n’avéz
neant, et une fois pour toutes
je le vous deffens." Le clerc se
doubta du chevalier, car il estoit
crueux et n’osa parsevrer et
se cessa et s’avisa qu’il s’en retour