"
Alain, il ne puet estre que de
la souveraine tour et garde de
ceans vous aiés les clefs perdues,
ouvrés la nous bellement ou
nous la ferons ouvrir a
force,
car vous nous avés proumis
et juré a rendre le
chastel tout
ainsi
comme il est, sans fraul
de ne mal engien, aucun barat
ne mauvaise cautelle, et vous
devés avoir dix mille frans;
vous les veés tous appareilliés sur
celle
ambrade."
Alain respondy
aincoires ainsi et dist: "Je ne le
ouvriray pas, ne feray ouvrir
tant comme je auray receu les
deniers et mis en saulf lieu
et
sceur. Et quant je les auray re
cheu, je querray adont les clefs."
Respondirent les
chevalliers
françois: "Nous ne voulons pas
maintenant
tant actendre, et
vous disons tout clerement, sur
vos parolles nous n’esperons nul
bien, et monstrés que vous nous
voulés decepvoir et trahir. Si
mettons main a vous
Alain et
a vous aussi
Pierre Roux depar
le
roy,
nostre sire, et
monseigneur
le duc de Berry, et sera la tour
ouverte
incontinent et deussions
rompre l’huis a force, et seront
tous les lieux de ceans serchiés
hault et bas pour savoir que vous
n’y ayés mis ne repuns nulle
embuche. Se nous
trouvons
dedens le
chastel chose qui a trou
ver ne face, vous estes
perdus
sans pardon, ne remission nulle,
car raison le vouldra. Et se nous
trouvons
le
chastel en bon conve
nant ainsi comme leale mar
chandise doit porter, nous
vous
tiendrons en voustre marchiet
bien et paisiblement, et vous fe
rons conduire
en saulf lieu et
sceur jusques ens es portes d’
Avi
gnon se il vous
besongne." Quant
Alain Roux et
Pierre Roux enten
dirent ces parolles et ilz se veirent
arrestés, ilz furent tous esbahis
et furent ainsi
comme demy
mors, et se repentoient moult fort
de ce que si avant avoient parlé,
car ilz veoient bien qu’ilz s’estoient
meismes deceuz.
¶ Les
che
valliers françois percheurent
bien qu’ilz estoient
coulpables
de ce dont ilz les mescreoient et
que la chose n’estoit point en bon
estat, si firent signe a l’un des
leurs qui portoit le cornet, qu’il
le sonnast pour faire
saillir les
autres qui estoient en embusche.
Il le sonna, ceulx de l’embusche
l’oyrent, si ferirent tantost des
espoirons et dirent: "Alons, alons
a
Montadour! Nos gens n’ont pas
trouvé la chose en bon convenant
pour
Alain Roux et
Pierre Roux, il
y a quelque trahison."
Ceulx de
l’embuche furent tantost au
chaspb 41 r