les chevaliers et escuiers
de l’une partie et de l’autre
mainte jouste et maintes
belles appertises d’armes et
pluiseurs hommes renverséz
jus de leurs chevaulx, mainte
prinse faitte et mainte res
cousse de premiere venue.
Messire Archembault Don
glas, qui estoit ung vaillant
chevalier durement craint de ses ennemis, quant ilz
deurent aprochier, mist piet
a terre. Et print a son usage
une longue espee qui avoit
d’alumele bien deux asnues.
A paine la peult une autre
lever sus de terre. Mais
elle ne lui coustoit riens
a lever ne a manier. Et en
donnoit les coups si grans
que tout ce qu’il aconsievoit
il mettoit par terre. Et n’y
avoit si hardy ne si joly de
la partie des Anglois qui
ne doubtast ses horions.
¶ La eut belle bataille
et dure et bien combatue
tant qu’elle dura. Mais ce
ne fut pas plenté. Car les
Escochois estoient trois con
tre ung et tous gens de fait.
Je ne dis pas que les Anglois
ne se portassent vaillan
ment et y firent plenté
de belles appertise d’armes.
Mais finablement ilz
furent desconfis et obtin
drent les Escotz la place