Foés. Et tant chevaulchay
en querant de tous costéz
nouvelles que par la grace
de Dieu et sans dommage
je vins en son hostel a Or
thaiz ou paÿs de Bierne,
le jour saincte Katherine,
l’an de Grace mil IIIC IIIIXX
et huit, lequel conte de Foés
si tost qu’il me vit, me fist
bonne chiere et me dist en
riant en bon françois que
bien il me congnoissoit et
si ne m’avoit oncquesmais
veü, mais plusieurs fois
avoit ouy parler de moy.
Si me retint de son hostel
et tout aise avecques le bon
moien des lettres que je
lui avoie portees tant com
me il me pleust a y estre.
Et la fus informé de
la greigneur partie des be
sougnes qui estoient adve
nues ou royaume de Castille,
de Portingal, de Navarre,
d’Arragon, ou royaume
d’Angleterre, ou paÿs de
Bourbonnois et en toute la
Gascougne. Et je mesmes
quant je lui en demandoie
aucune chose, il le me disoit
moult voulluntiers. Et
me disoit bien que l’istoire
que je poursuivoie seroit
au temps advenir plus
recommandee que nulle au
tre. "Raison pour quoy", disoit