The Online Froissart

Facsimile mode Settings Browse | Collate

pb 114 r
de Portingal, mais

pour ce ne vorent pas ly Portingalois que li roiaulmez venist
ne au roy d’Espaigne. Ançois se bouta en l’iretage uns siens frerez bastars, qui s’apel
loit dans Jehans, maistrez de Vis. Chils dans Jehans estoit as armez vaillans homs
durement, et tousjours s’estoit fais amer des Portingallois et tant que il ly
monstrerent. Car il le couronnerent a roy et le tinrent pour sa grant vaillance a
signeur, pourquoy grans guerrez s’esmurent depuis entre Espaigne et Portin
gal, si com vous orés recorder avant en l’istoire.
SHF 2-262 sync Quant ly contez de Cambruge, ly Canonnez de Robersart et li baron et chevalier d’Engle
tiere, qui en che voiage de Portingal avoient esté, furent retourné ariere en
Engletiere et venu devers le roy et le duc de Lancastre, on leur

fist bonne chiere,
che fu raissons. Et puis leur demanderent des nouvellez, il en dissent assés et toute
l’ordenance de leur guerre, ly dus de Lancastre, auquel la besongne touchoit plus c’a
nul autre pour la cause dou calenge de Castille, car il s’en dissoit hoirs depar sa femme
madame Constance, qui fille fu jadis dou roy dan Pietre, demanda a son frere le
conte moult avant dez nouvellez et comment on s’estoit demené en Portingal,
ly contez ly recorda comment il avoient esté a hoost l’un devant l’autre plus de
XV jours tous entiers. "Et pour ce, biau freres, que on n’ooit nullez nouvellez de
vous, s’acorda li rois de Portingal legierement a la pais, ne onquez ne le peuvums
veir que il se vosist asentir a la bataille, dont cil de nostre costé furent tout
merancolieux. Car volentiers il se fuissent aventuré. Et, pour cely cause que je
n’y voy point de seur estat, je ay

ramené mon fil, quoyque il ait espousé la fille
dou roy de Portingal." Che dist ly dus : "Je croy que vous avéz eu cause, fors tant
que il poroient, se il leur venoit a point, rompre che mariage et donner d’autre
part a leur plaissance." "Par ma foy !" dist li contez, "il en aviengne ce que avenir puet, mais
je n’ay fait cose dont je me doie ja repentir." Enssi finerent leurs parollez ly dus
de Lancastre et li contez de Cambruge, et entrerent en autrez materes. Nous nos sou
fferons a parler de eulx et de leur guerre, des Espaignos et des Portingallois, et re
tournerons as besongnez et as guerrez de Gand, dou conte et dou païs de
Flandres, qui furent grandez.

SHF 2-263 sync Toute celle saison, depuis la destrution et arsin de la ville de Grammont et le de
partement dou siege de Gand, qui se desfist pour le courous que ly contez de Flan
dres ot de son cousin le jone signeur d’Enghien, qui fu ochis par enbusque devant Gand, enssi
comme il est recordé chi dessus en l’istoire, ne guerriierent ly Flament, chevalier et escuier
et bonnez villez, les Gantois, fors que par garnisons, et estoit tous ly païs a l’encontre
de ceulx de Gand pour le conte, excepté les Quatre Mestiers, dont aucunez douceurs
venoient en la ville de Gand. Et ossi faissoient de la conté

d’Alos, mais ly contez de Flandres, pb 114 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.