pb 115 r
de leurs gens tous desarméz devant l’amant de Brouxellez et les juréz, en
dissant, pour Dieu, que on eust d’eus pité et que il eussent des vivrez pour
leur argent. Car il moroient de fain et ne voloient que tout bien au païs,
les bonnez gens de Brouxellez en eurent pité et leur porterent des vivres
assés pour eulx passer, et se rafresquirent la ou païs environ III sepmainez,
mais point n’entroient ens es bonnez villez, et furent jusquez a Louvaing,
li quel en eurent grant pité et leur fissent moult de biens, et estoit leurs sou
verains cappitains et menerez François Acremen, qui les consilloit et faissoit
pour eux les traitiéz as bonnez villez et sur ce voiage, entruéz que cil Gan
tois sejournerent et se rafresquirent en le marce de Louvaing, vinrent
François Acremen luy XII, en le citté de Liege, ou il se remonstrerent as maistrez
de Liege et parlerent si bellement que cil de Liege leur eurent en convenant,
et ossi eut li evesquez, messires Ernoulz d’Arcle, de envoiier devers le conte
de Flandrez et tant faire que il les metteroient a paix devers luy, et
leur dissent : "Se chils païs de Liege vous fust ossi prochains de vinage comme
sont Braibans et Haynnau, vous fuissiéz autrement confortéz de nous que
vous ne soiiéz. Car nous savons bien que tout ce que vous faittez, c’est sus
vostre boin droit et pour garder vos francissez et, nonobstant tout ce,
si vous aiderons nous et conforterons che que nous porons, et volons
que presentement vous le veés, vous estez marcheant, et marcandisses
doivent et pueent par raison aler en tous païs. Quelliéz et levés en ce
païs chi jusquez a le somme de VC ou de VIC chars chargiéz de blés et de
farinez, nous le vous acordons, mais que les bonnez gens dont les pour
veancez venront soient satisfait, on laissera bien nos marcheandissez
passer parmy Braibant, ly païs ne nous voelt nul mal, et ossi ne faissons
nous a luy. Et, quoique Brouxelle vous soit close, si savons nous bien
que c’est plus par constrainte que de vollenté. Car de vos anois ly Brouse
lois ont grant compation, mais ly dus de Braibant et la duçoise, par
priiere de leur cousin le conte de Flandrez, s’enclinent plus a luy que a
vous, et c’est raisons. Car tousjours sont li signeur l’un pour l’autre."
De ces offres et de ces amours que li Liegois offroient de bonne volenté
as Gantois furent il tout resjoy, et les en remerchiierent grandement.
Et dissent bien que de tels gens et de tels amis avoit bien la ville
de Gand a faire.
SHF 2-264 sync François Acreman et ly bourgois de Gand, qui estoient venu avoecq
luy en la citté de Liege, quant il eurent fait che pourquoy pb 115 v