The Online Froissart

Facsimile mode Settings Browse | Collate

pb 11 v
et y ot mors sus le place VII baneréz et bien CC aultrez richez hommez et

grant fuisson de mehaigniéz et de navréz. Quant chil Breton eurent fait
leur emprisse, il se retraissent sus le soir, et tantos fu tart. Si ne furent noient
poursievoit tant pour le nuit que pour ce qu’il estoient sy effraet dedens Romme,
que il ne savoient a quoi entendre fors a leurs amis qui estoient mort ou bleciet.
Si passerent le nuit en grant angoisse de coer et ensevelirent lez mors et
missent a point les navréz. Quant che vint au matin pour eulx contrevengier
il s’aviserent de une grant cruauté, car lez povres clers qui en Romme sejour
noient et qui nullez couppez a ce meffait n’avoient, il asaillirent et en ocirent
que mehaignerent plus de CCC, et par especial nulz Bretons qui cheoit en
leurs mains n’estoit pris a merchi. Enssi estoient les coses ens es partiez
de Romme par le fait des

pappez en grant tribulacions, et le comparoient tous
lez jours cil qui coupez n’y avoient.
SHF 2-98 sync Entruéz que pappez Clemens se tenoit a Fondez, la roine de Napples le vint
veoir de bon corage, et se mist li et le sien en son obeissance, et le volt bien
tenir a pappe. Ceste roine avoit eu en pourpos I grant tamps que le roiau
lme de Sesille, dont elle estoit dame et roine, et la ducé de Prouvence, qui
dou roiaulme dependoit, elle revenroit en le main dou pappe pour faire ent
sa pure volenté et donner et ahireter I haut prince, quel qu’il fust, dou
royaulme de Franche qui poissance eust de obstenir encontre ceulz que elle
haioit a mort, qui descendoient dou roiaulme de Hongueriie, messire Charle de
la Pais. Quant la roine de Napplez fu venue a

Fondez, elle se humelia mout
envers le pappe et se confessa a luy et ly remonstra toutez ses besongnez et se
descouvri de sez secrés et ly dist: "Perez sains, je tieng pluiseurs grans hiretagez
et noblez, tels que le royaulme de Naplez, le roiaulme de Sesille, Puille et Cala
breet la ducé de Provence. Bien est veritéz que ly rois Loeis de Sesille, duc
de Puille et de Calabre, mon pere vivant, il recongnissoit toutez ces terrez de l’
Eglise, et me prist par le main ou lit de la mort et me dist enssi: "Ma belle fille,
vous estez hiretiere de mout ricez et grans païs, et croy bien que pluiseur hault
signeur presseront a vous avoir a femme pour lez biaus hiretagez et grans
que vous tenréz. Si vous enjoing et commande que, par le conseil des haulx princes
dez hiretages que vous tenréz vous voelliéz

user, et vous mariéz a sy haut
signeur que il soit poissans de vous tenir en pais et tous vos hiretagez, et,
se il avient enssi que Dieus le consente que vous n’aiiéz nulz hoirs de vostre
char, si remettéz tous vos hiretagez en le main dou Saint Pere qui pour ce pb 12 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.