The Online Froissart

Facsimile mode Settings Browse | Collate

pb 131 v
sans l’aide et poissance dou roy de France, il ne pooit jamais retourner a son hiretage
de Flandrez, si fist la li contez de Flandres au roy, present son conseil, sez complaintez bien et
a point, et fu bien oys et respondus en dissant dez dus : "Cousins, des Flamens
ne poés vous a present dire ne parler de nul raisonnable traitiet,

si com il appert
par leurs seellees, et sont orgilleux et presomptieux et trop fourfait, quant
il querent aliancez a estragne signeur tel comme le roy d’Engletiere, qui est
nostrez aversairez. Et ce ne sera point soustenu, mais lez yra li rois hastee
ment combatre, et de che soiéz tous asseuréz." Lors se offri et presenta ly contez
de Flandrez au roy de relever la conté d’Artois, enssi comme a son naturel signeur
et que il le devoit faire, ly rois fu consilliéz de respondre et dire enssy : "Contez,
vous retourneréz en Artois, et tremprement nous serons a Arras, et la feréz vous
vostre devoir, presens les pers de France. Car mieux ne poons nous monstrer
que la querelle est nostre que de aprochier nos ennemis." Ly contez se contempta
de ceste response, et se party de Peronne III jours aprés, et s’en retourna en Artois,
et vint a Hesdin. Et li rois de France, comme chils qui de grant volenté voloit
venir en Flandrez et abatre l’orgoel des Flamens, enssi que autrefois sy pre
dicesseur avoient fait, mist clers en oevre a tous

lés et envoiia lettres et
mesagiers et mandemens qui s’estendirent par toutez lez partiez de son roiaulme,
en mandant que tantos et sans delay cascuns venist vers Arras pourveux au
mieux que il peuist. Car au plaisir de Dieu il voloit aler combatre les
Flamens en Flandrez, nulz sirez tenant de luy n’osa desobeir, mais fissent
leurs mandemens de leurs gens, et s’aparillierent et se departirent li
lontaing, d’Auvergne, de Roerghue, de Quersin, de Toulousain, de Gascongne,
de Limosin, de Poito, de Sainctonge,

de Bretaigne et d’autre part, de Bourbon
nois, de Forois, de Bourgongne, de la Daufiné, de Savoie et de Loeraingne,
de Bar et de toutez les circuitéz et chainglez dou roy de France et dez tenancez,
et tout avaloient aval vers Artois, la se faissoit ly amas dez gens d’armez
si grans et si biaux que mervellez est a considerer.
SHF 2-309 sync Li contez de Flandrez, qui se tenoit a Hedin et qui tous lez jours ooit nou
vellez dou roy et dou duc de Bourgongne et dou grant mandement
qui se faissoit en France, fist une deffense par tout Artois ou plat païs que
nulz, sus a perdre corps et avoir, ne traisist ne mesist hors de son hostel,
en forterece ne en bonne ville, cose que il euist. Car il voloit que lez gens
d’armez fuissent aissiet et servit de ce qui estoit ou plat païs. Adont
s’en vint ly rois en Arras et la s’aresta, et lez gens d’armez de tous lés pb 132 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.