pb 133 r
Et tuerent et decoperent en la ville et la prés grant fuisson de gens, et les ca
chierent priéz tous hors de leur ville, ly haros commencha a monter, lez villes
voisinez commenchierent a sonner leurs cloquez a herlle et a traire vers Menin.
Car ly haros venoit de la, si s’amblerent grant fuisson de gens, et se requellie
rent tout ensamble en Menin. Quant li Halzez, messires Jehans de Jeumont, li caste
lains de Buillon, messires Henris de Dufle et li chevalier et escuier eurent bien esmeu
le païs et leur fu vis que il estoit tamps dou retourner, il se missent au retour
pour rapasser a ce pont la riviere, enssi que il avoient passé, et ja le trouve
rent il fort et pourveu de Flamens qui le deffaissoient ce qu’il pooient, et,
quant il en avoient rosté une ais, il le couvroient de fiens, afin que on
ne veist point le mehaing. Evous chevaliers et escuiers retourner, montéz sur
fleurs de coursiers et de chevaux, et truevent en la ville plus de II mille
de cez paissans qui la s’estoient requelliet, li quel se mettent tout en ba
taille pour venir sus eux. Quant cil gentilhomme en veirent le conve
nant, si dissent : "Il nous faut, par force de chevaux, rompre ces villains,
ou nous sommez atrapet." Adont se missent il tout ensamble, et abai
ssierent les lancez et lez espeez roidez de Bourdiaux, et esperonnerent
lez chevaux de grand randon, et missent devant lez plus fors montéz, et
commenchierent a huer. Chil Flament s’ouvrirent qui ne lez oserent aten
dre, et li autre dient que il le fissent tout par malisse. Car il savoient
bien que li pons ne lez poroit porter, et dissoient entre eux ly Flament :
"Faissons leur voie, vous veréz ja biau jeu." Ly Halze de Flandrez, li chevalier
et li escuier qui se voloient sauver, car li sejourners leur estoit contrairez,
fierent chevaux des esperons sus ce pont, li quelz n’estoit pas fors pour
porter un si grant fais. Toutezfois li Halzez de Flandrez et aucun autre
eurent l’eur et l’aventure de passer oultre, et passerent environ XXX.
Et, enssi que li autre voloient passer, ly pons rompi desous eulx, la eut
des chevaus enrasquiéz, qui ne se peurent ravoir, qui y furent mort
et leurs maistrez. Chil qui estoient deriere veirent che meschief, si fu
rent moult esbahi et ne sceurent ou fuir pour eux sauver, si ferirent
ly aucun en la riviere, qui le quidoient noer, mais il ne pooient, car
elle est parfonde et de hautez rivez ou cheval ne se pueent aherdre
ne rescours, la eut grant meschief. Car li Flament venoient, qui
lez encauchoient et ochioient a volenté et sans merchi, et lez faissoient
saillir en l’aige, la se noioient. La fu messires Jehans de Jeumont en grant pb 133 v