pb 150 r
estoient incredulle et hors de foy, che fu la princhipaux cose pourquoy
elle fu aportee en Flandrez et desvolepee. Ceste oriflamble est une mout disgne baniere
et enseigne, et fu envoiie dou chiel par grant mistere, et est a maniere d’un confa
gnon, et est grans confors pour le jour a ceulx qui le voient, encorez monstra elle
la de sez vertus. Car, toute la matinee il avoit fait si grant bruine et si espesse,
que a painez pooit on veoir l’un l’autre, mais, sitretos que ly chevaliers le desvolepa
qui le portoit, et qui leva l’anste contremont, celle bruine a une fois chey et
se desrompy. Et fu li chieux ossi purs, ossi clers, et li airs ossy nés que on l’avoit
point veü en devant en toute l’anee. Dont li signeur de France furent
moult resjoy, quant il veirent che biau jour venu et ce soleil luire, et que
il peurent veir au lonc, autour d’eux, devant et deriere, et s’en tinrent
moult a reconforté et a bonne cause, la estoit che grans biautéz dou veoir
ces clers bachinéz, cez bellez armeurez, ces fers de lancez clers et aparilliéz,
cez banierez, ces pennons et ces armoieriez. Et se taissoient tout quoy, ne
nulz ne sonnoit mot, mais regardoient chil qui devant estoient, le grosse
bataille des Flamens tout en une, qui aprochoit durement, et venoient le
pas tout seret et leurs planchons tous drois levéz contremont, et sambloit
dez hantez que che fust uns bos, tant en y avoit grant fuisson.
SHF 2-340 sync Je fuy adont enfourméz dou signeur de Sconnevort, et me dist que il
vey, et ossi fissent pluiseur, quant li oriflamble fu desploiie et ly bruine
chey, I blanc coulon voler et faire pluiseurs volz pardesus le bataille dou roy, et,
quant il eut asséz volé, et que on se deubt combatre et asambler as ennemis
il s’ala aseoir sur l’une des banierez dou roy, dont on tint che a grant se
nefiance de bien, or aprochierent li Flamenc et commenchierent a traire
et a jetter de bonbardez et de canons gros cariaux enpenéz d’arain, enssy
se commencha li bataille, et en ot li rois de France et ses gens le premier en
contre, qui leur fu moult durs. Car cil Flamenc, qui descendoient orgilleu
zement et de grant volenté, venoient roit et dur et boutoient en venant
de l’espaulle et de le poitrine, enssi comme sengler tout foursené, et estoient
sy fort entrelachié ensamble que on ne lez pooit ouvrir ne desrom
pre, la furent dou costé des François, et par le trait dez bonbardez et
des canons, premierement mors ly sirez de Wavrin, baneréz, Moreléz de
Haluin et Jakez d’Ere, et adont fu la bataille dou roy recullee, mais
ly avantgarde et li arieregarde a deux ellez passerent oultre et enclo
irent cez Flamens et les missent a l’estroit, je vous diray comment. Sus pb 150 v