The Online Froissart

Facsimile mode Settings Browse | Collate

pb 155 v
membrez et par pieche sus chars, et la cloice ossi, li quels orlogez fu amenéz
et achariéz en la ville de Digon en Bourgongne, et la fu remis et assis,
et y sonne lez heurez XXIIII entre nuit et jour.
SHF 2-350 sync Au departement dou roy de la ville de Courtray, elle fu mallement
menee. Car on l’ardy et destruisi sans deport, et en menerent par
maniere de servage pluiseurs chevalier et escuier et gens d’armez, des biaux en
fans, filz et fillez, et grant fuison. Et chevaucha ly rois, et vint a Tour
nay, et se loga en l’abeie de Saint Martin.

Quant ly rois entra en Tour
nay, on li fist grant reverence, et che fu raisons, et furent toutez les
bonnez gens de la ville vestis de blanc a III bastons vers d’un léz, et fu
la chitéz partie pour logier les signeurs, le roy a Saint Martin, et compren
doient sez gens I quart de la ville, ly dus de Berri a l’osteil de l’evesque,
ly dus de Bourgongne a le Teste d’Or, le duc de Bourbon a le Couronne
d’Or, le connestable au Chief a Saint Jaque. Et fu criiet depar le roy, et
sour le hart, que nulz ne fourfesist riens as bonnez gens de Tournay,
et que on ne presist riens sans paiier, et que nulz n’entrast en la conté
de Haynnau pour mal faire. Toutez cez cosez furent bien tenuez, la
se rafresquirent chil

signeur et leurs gens, et li lontain se departo
ient et s’en retournoient par Lille, par Douay et par Valenchiennez en lors
lieux, ly contez de Blois prist congiet au roy et a ses onclez et a son
compaignon le conte d’Eu, et s’en retourna sus son hiretage en Hayn
nau, et se loga en Valenchiennez I jour et une nuit, ou on le rechut
liement et grandement. Car il avoit conquis l’amour entirement
dez bonnez gens de la ville, tant pour l’onnour que il avoit fait
au païx, quant Breton, Savoiien et Bourgegnon le voloient courir,
et il ala au devant et rompi leur intencion, que pour che ossy que
messires Tieris de Disquemue, qui lez tenoit en doubte et avoit tenu bien
lonc tamps, s’estoit dou tout mis en l’ordenance de luy et dou signeur
de Couchi. Et sur ce s’eurent pais. Si se party li contez de Blois de Va
lenchiennez, et s’en vint a Landrechiez, et la se tint un tamps et rafres
qui daléz madame Marie, sa femme, et Loÿs, son fil, et l’esté

ensieuant,
il s’en vint en Blois, mais la contesse et sez filz demorerent en Haynnau,
et se tinrent le plus dou tamps a Biaumont.
SHF 2-351 sync Parellement li contez de la Marche et messires Jakes de Bourbon, sez frerez,
se departirent de Tournay pour estre mieux a leur aise et s’en alerent pb 156 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.