Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Leiden VGGF 9 (vol. 2)
Previous | Folio 167 r | Next
pb 167 r
au voir dire, chil Flamenc se missent grandement a deffense, mais cil archier,
au traire, lez commenchierent a berser et a mener malment. Et ces gens
d’armez entrerent en eux a lancez afilleez, qui de premierez venuez en abati
rent grant fuisson, finablement Englois pour ce jour obtinrent la place,
et furent la li Flamenc desconfi, et se quidierent recouvrer pour entrer
en Dunquerque, mais ly Engléz, en eux recullant et cachant, les menerent
si dur et si roit que il entrerent o eulx en la ville. Et la en y ot sus lez
ruez et sus la marine grant fuisson de mors. Ossi il se vendirent moult
bien. Car il ochirent plus de IIIIC Engléz, et furent trouvé depuis
chi X, chi XII, chi XX, chi XXX, enssi comme il encauchoient lez Flamens.
Et cil Flament se requelloient, et a jeu party il lez combatoient et ochi
oient, ly chevalier et li escuier de Flandrez qui la estoient, plenté ne fu che
miez, se sauverent, ne il n’en y ot que V ou VI mors ou pris. Enssi ala
de la besongne et dou rencontre qui fu che jour a Dunquerque, ou il y
ot bien mors IX mille Flamens.
SHF 2-370 sync Che propre jour de la bataille estoient retourné en la ville de Lille, de
vers le conte de Flandrez, messires Jehans Villains et messires Jehans dou Moulin,
et avoient fait leur relacion au conte telle comme il l’avoient oy et
veu dez Engléz a Mardique, si en estoit li contez tous pensieus pour savoir
comment il s’en cheviroit. Encorez le fu il plus, et bien y ot cause, quant
lez nouvellez ly vinrent que ses gens estoient mort et desconfy a
Dunquerque, et la ville prise. Si s’en porta il aséz bellement et con
forta, faire li convenoit, et dist, quant lez nouvellez l’en vinrent: "Se
nous avons pendu celle fois, nous gaegnerons une autre." Tantos et
sans delay toutez ces nouvellez il escripsi et envoia quoitousement
devers son filz, le duc de Bourgongne, qui se tenoit devers le roy en
France, afin que il euist sur ce avis. Car bien ymaginoit, puisque
ly Englois avoient celle entree en Flandrez et ruet enssi jus ses gens,
que il ne s’en passeroient pas si briefment, mais feroient encorez
sus le païs pluiseurs cosez. Ly dus de Bourgongne, quant il en fu aviséz
et enfourméz, envoia chevalier et escuiers partout en garnisson sus les fron
tierez de Flandrez, en Saint Omer, en Aire, a Saint Venant, a Bailluel, a Ber
ghez, a Casel et par toutez les casteleriiez, pour garder lez entreez d’Artois.
Or dirons des Englois, comment il persevererent.
SHF 2-371 sync Apriéz la desconfiture de Dunquerque et la ville prise, il entrerent pb 167 v