Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Leiden VGGF 9 (vol. 2)
Previous | Folio 168 v | Next
pb 168 v
ouniement l’un a l’autre, et ce n’ont pas fait Alemant. Car, quant uns Ale
mans tient un prisonnier en son dangier, il le met en ceps, en fiers, en buiez
et en durez prisons, ne il n’en a nulle pité, et tout pour estordre plus
grant argent.
SHF 2-374 sync Quant li evesquez de Nordvich et li Englois partirent de Saint Venant, il
s’en vinrent logier ens es bos de Niepe, qui ne siet mie lonch de la, et
environ Bailluel en Flandrez. Si entrerent en le castelerie de Popringhe et
de Miessinez, et prissent toutez ces villez la, et y trouverent tres grant finance
et moult de pillage, et toutez lez villez fremeez il retenoient pour eux et
mettoient en leur obeissance. Et la retraiont leur butin a Berghez et a Bour
bourc. Quant il eurent de tout le païs fait leur volenté, ne nulz ne
leur aloit au devant, et que il furent tout signeur de la marine, de Gra
velinez jusquez a l’Escluse, de Dunquerque, de Noefport, de Furnez et de Blanc
queberghe, il s’en vinrent mettre le siege devant Yppre, la s’aresterent ly
evesquez de Nordvich et li Englois, messires Huez de Cavrelee et li autre, et
puis envoiierent devers ceux de Gand, et me samble que François Acremen
y ala, qui avoit esté a la bataille et a tous ces conqués, et avoit mené les
Engléz de ville en ville et de fort en fort.
SHF 2-375 sync Quant Pietrez dou Bos et Pietrez le Mutre et lez cappitainez de Gand
que li Engléz lez mandoient, et que il seoient a siege devant la ville
d’Ippre, sy en furent grandement resjoy, et se ordonnerent, au plus
tos qu’il peurent, de aler celle part, et se departirent de la ville de
Gand I merquedy au matin, aprés les octavez saint Piere et saint
Pol, environ eux XX mille, a grant carroy et en bonne ordonnance,
et s’en vinrent tout parmy le païs et au dehors de Courtray devant la
ville d’Ippre, de leur venue furent li Englois moult resjoy, et leur fissent
grant chiere, et leur dissent que tantos il l’aroient conquis Yppre, et
puis yroient prendre Brugez, le Dam et l’Escluse, et ne faissoient nulle
doubte que, dedens le septembre, toute Flandrez seroit raquise a eux, enssy
se glorefioient il en leurs fortunes. Si estoit pour le tamps cappitaine de la
ville d’Ippre uns moult sagez et avisséz chevaliers qui s’apelloit messires Pierez de la
Sieple, par luy et par son sens s’ordonnoient toutez lez besongnez et lez gens d’ar
mez qui la dedens s’estoient mis et bouté depar le duc de Bourgongne et le
conte de Flandrez. Avoec le dessus dit chevalier estoient messires Jehans de Bouc
grave, castelain d’Ippre, messires Bauduins de Welledene, son fil, le signeur pb 169 r