The Online Froissart

Facsimile mode Settings Browse | Collate

pb 16 r
et souffrir. Enssi vint par soutieue voie Ghisebrest Mahieu en le grace et amour
dou conte, et Jehans Lions en fu dou tout planéz et ostéz, et donnoit Ghisebrés
Mahieus as gens dou conte, as cambrelens et officiiers, grans dons et biaux
jeuiaux, par quoy il avoit l’amour d’iaulx, et ossi au conte, dont il l’aveu
lissoit tout. Et tout ce cez

dons et sez presens faissoit il paiier as navieurs,
dont ly pluiseur ne s’en contentoient miez trop bien, mais il n’osoient mot
sonner. Jehans Lions, qui estoit tous hors de la grace et de l’amour dou conte,
se tenoit en sa maison et vivoit dou sien biellement et souffroit trop bellement
tout ce que on ly faissoit, car Ghisebrés Mahieu, qui doiiens des navieurs
estoit et qui ce Jehan couvertement haioit, ly retrencoit au tierch ou au quart
lez pourfis que il deuist avoir de sa navie. Jehans souffroit tout ce et ne
sonnoit mot et se dissimuloit sagement et prendoit en gre tout ce que
on ly faissoit, de quoy Pietrez

dou Bos, qui estoit ly uns de ses varléz, s’esm
ervilloit grandement et li remonstroit a le fois comment il pooit souffrir
lez tors que on li faissoit, et Jehans respondoit: "Or tout quoy il est heure
de taire et s’est heure de parler." Ghisebrés Mahieu avoit I frere que on
appielloit Estievenart, soutil homme et visseus durement, et disoit a ses
frerez et sortissoit bien tout ce que il leur avint: "Chertez, signeur, Jehan Lion
se sueffre maintenant et baisse la teste bien bas, mais il le fait tout par sens et
par malise, car encorez nous honnira il tous et nous metera plus bas que nous
ne soions maintenant haut. Mais je consilleroie une cose, entruéz que nous
sommez en le grace de monsigneur et ils en est tous hors, que nous l’ocisiiemes. Je
l’ociray trop aisse, se j’en suy cargiés. Et enssi serons nous hors de peril, et trop
legierement nous venrons jus de la mort de li." Sy autre

frere nullement
ne le voloient consentir, et disoient que il ne leur faisoit nul mal et que
point on ne doit homme occire, se il ne l’a trop grandement deservy. Sy demo
ra la cose en cel estat un tamps et tant que li diable, qui onquez ne dort, resvilla
chiaulx de Brugez a faire fosser pour avoir l’aissement de la riviere dou Lis,
et en avoient asséz le conte de leur accord, et y envoiierent grant quantité
de fosseurs et de gens d’armez pour eulx garder. En devant autrez anees,
avoient il enssi fait, mais chil de Gaind par poissance leur avoient toudis
brissiet leur pourpos. Ches nouvellez vinrent a Gaind que derechief chil
de Brugez faissoient efforciement fosser pour avoir le

cours de le riviere
dou Lis, qui leur estoit trop grandement a leur prejudice. Sy commenchierent
a murmurer moult de gens parmy la ville de Gaind, et especiaulment ly pb 16 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.