pb 172 r
venoient de tous léz si efforchiement et de si grant volenté, pour servir le roy de
France, que mervellez est a considerer, ly contez Guis de Blois avoit, en ces man
demens et asambleez faissans, jeu dehaitiéz a Landrechiez, et quant il peut sou
ffrir le paine, il fu aportéz en une litiere a Biaumont en Hainnau. Et la fu
mieux a son aisse. Car cilz airs li fu plus agreablez que cilz de Landrechiez, sy
ne savoient sez gens, et ossi ne faissoit il, se il poroit souffrir le paine de che
vauchier en celle armee devers le roy, nonobstant, quoyque il fust moult
dehetiéz et moult foiblez, si se faissoient sez pourveancez grandez et grossez, et
ossi ses gens de la conté de Blois, li sirez de Montigny, ly sirez de Viesvi, messires
Willaumez de Saint Martin, messires Walerant de Donstienne, cappitaine de Ronmo
rentin, et ly autre chevalier et escuier, avalerent aval, pour venir ou service
dou roy de France.
SHF 2-383 sync Nouvellez vinrent au siege devant Yppre, au vesque de Nordvich, a messire
Hue de Cavrelee et as Englés, et otant bien as Gantois, que ly rois de
France s’en venoit a effort sus eux, et avoit en sa compaignie plus de XX mille
hommez d’armez, chevaliers et escuiers, et bien LX mille autrez gens. Ces parolles en
leur ost montepliierent tant que ellez furent tourneez en voir. Car, de pre
miers, on ne lez voloit croire, mais il leur fu dit pour verité que il estoit
enssy et queil seroient combatu, eux seant a leur siege, et se venoit ly dus
de Bretaigne contre eux, dou quel il avoient grant mervelle. Adont eurent
il conseil ensamble, pour savoir que il feroient ne comment il se mainten
roient, tout consideré, il ne se veoient pas fort ne poissant pour atendre
la poissance dou roy, et dissent enssi que ce estoit bon que Pietrez dou Bos et
Pietres le Mutre et ly Gantois s’en retournaissent en leur ville de Gand, et ly
Engléz s’en retourneroient vers Berghez et Bourbourc, et se meteroient en leurs
garnisons, et, se poissance leur venoit d’Engletiere que ly rois Richars pa
ssast le mer ne sy oncle, il aroient avis. Chils consaulx fu tenus, il se
deslogierent, chil de Gand se retraissent vers Gand. Et tant fissent que
il y parvinrent, et ly Englois se retraissent vers Berghez et vers Bourbourc,
et se bouterent ens es fors que il avoient conquis. En che propre jour
que ly Gantois retournerent en Gand, y descendy messires Henris de Persi,
filz au conte de Northombrelande, qui venoit de Pruse, et avoit entendu
sus son chemin assés priéz de Prusse que ly rois de France et ly rois d’En
gletiere se devoient, en la marce de Flandrez ou d’Artois, par bataille, poissance
contre poissance, combatre ensamble, dont ly chevalier estoit sy resjois et ot sy pb 172 v