pb 182 r
il escripsi devers eulz et ilz lez manda, ly pluiseur ne savoient quel cose il vo
loit faire, et avint ceste cose ens ou mois de may le XVIIe jour. Et seut ly
sirez d’Escornay par ses certainnez espiez que François Acremen estoit a Gand et
point ne se tenoit en Audenarde. Car il s’afioit sus la trieue que il avoient
ensamble, ly François et eux, dont il fist follie, quant il ne fu plus song
neux de garder Audenarde que il ne fu, si com je vous diray.
SHF 2-418 sync Li sirez d’Escornay fist une embusque belle et grosse de IIIIC compaignons,
chevaliers et escuiers et droitez gens d’armez, que tous avoit priiéz, et s’en vint
bouter ou bos de Lare, vers la Porte de Granmont, aséz priéz d’Audenarde, et
la estoient et furent messires Jehans dou Moulin, messires Jaquez de Listrevaille,
messires Ghillebert de Lieureughen, messires Jehans Caquelan, messires Rollant d’Espiere,
messires Blanchart de Calonne et le signeur de Astripoulle, qui y fu fais chevaliers.
Or vous recorderay la maniere de la devise et comment chil d’Audenarde
furent deceu, on prist II chars cargiéz de pourveancez, atout IIII
caretons vestis de grisez cotez et arméz desous, et estoient hardit var
let et entreprendant. Chil careton et leurs cars s’en vinrent tout acariant
vers Audenarde. Et segnefiierent as gardez que il amenoient pourve
ancez de Haynnau pour avitaillier la ville, lez gardez qui n’y pensoient que
tout bien, vont ouvrir leur porte, et ly premiers cars passe avant, et s’areste
desoulz la porte couliche, et ly autrez sus le pont. Adont s’ensongnierent ly
careton autour de leur car, et ostent les II martiaux ou li trait sont.
Et les jettent ens es fosséz, lors dissent les gardez as caretons: "Pourquoy
n’aléz vous avant?" Adont prissent les gardez les chevaulx et les tape
rent avant. Et ly cheval passerent oultre et laissierent les cars
tous quois. Car il estoient destelé, lors perchurent les gardez que il
estoient decheu et trahi, et commenchierent a fraper aprés les caretons.
Et ly careton a eux deffendre. Car il estoient bien armé desoulz leurs
cotez et gens de fait et d’emprise. Sy ochirent II des gardez. Il furent
tantos secouru. Car ly sirez d’Escornais et sa route les poursieuoient
fort, et vinrent jusquez a la ville, lez gardez s’enfuirent en la ville,
criant: "Trahi ! trahi !" Mais avant que la ville fust estormie ne requell
oite, ces gens d’armez entrerent dedens en ociant tous ceulx que il
encontroient qui a deffence se mettoient, et crioient en venant sur la place:
"Ville gaegnie !" Enssi fu Audenarde reprise. Et y ot de Gantois, que mors,
que noiiés, bien CCC. Et y fu trouvéz grans avoirs qui estoit a François pb 182 v