pb 186 v
de Haynnau doee, et donnoit li dus Aubers a sa fille C mille frans, enssi se faisoient
lez parchons. Le mardy, a heure de la haute messe, il furent espousé, en l’eglise
catedral Nostre Dame de Cambray, a grant solempnité, et lez espousa li evesquez
de Cambray, qui ot a non Jehan et estoit néz de Brouxellez. La ot au palais au dis
ner tres grant noblece, et sist li rois de France a table, li doy mariet et lez deus
marieez, et tout ly autre signeur servoient sus haulx destriers, et aseoit a table
ly connestablez de France, et li amiraulx de France et messires Guis de la Tremoulle
et messires Guillaumez de Namur servoient, et pluiseur autrez hault baron de France,
onquez en Cambray n’ot puis V chens ans si haute solempnité ne si renom
mee, comme il ot en cez jours dont je parolle. Aprés ce noble et haut disner
fait, grant fuisson de signeurs et de chevaliers furent armet et aparilliet pour
le jouste, et jousterent sus le marchiet, et y avoit XL chevaliers de dedens, et
jousta ly jonez rois Charlez de France a I chevalier de Haynnau, qui s’appelloit
messires Nicollez d’Espinoit, et furent cez joustez tres bellez et tres bien jousteez
et continueez, et en ot le pris uns jonez chevalierz de Haynnau, qui s’appelloit
Jehans, et sirez de Donstienne daléz Biaumont en Haynnau. Et jousta li chevaliers
au plaisir des signeurs et dez damez tres bien, et y ot pour le pris I
fermail d’or a pierez precieusez que madame de Bourgongne prist en sa poi
trine et li presenterent ly amiraulx de France et messires Guis de la Tremoulle, si
se continua toute la sepmaine en grant reviel, et se continuerent les festez.
Et le venredy, aprés disner, on prist congiet au roy, et ly rois as signeurs et
as damez, et se departy de Cambray, ossi fissent tout li duc et les duçoisez, sy
enmena vers a Arras madame de Bourgongne Marguerite de Haynnau, sa
fille. Et madame de Haynnau enmena au Quesnoy Marguerite de Bourgongne.
Enssi se persevererent lez besongnez.
SHF 2-429 sync En celle saison fu ossi fais et traitiéz ly mariagez de Loïs de Blois, filz au conte
Guy de Blois, et de madame Marie de Berry, fille au duc Jehan de Berry.
Et, environ le mois de may, s’en alerent li contez de Blois et madame de Blois,
sa femme, en la ducé de Berry, et enmenerent Loïs, leur fil, bien acompaigniet
de grant fuisson de signeurs, de damez et de damoissellez, et vinrent a Bourghez
en Berry, ou ly dus et la duçoise estoient, qui la les atendoient et qui tres
poissaument les requellierent, conjoirent et festiierent et toute leur compai
gnie, si furent la confremeez les convenenchez des fianchaillez, et les fiança
ly arcevesquez de Bourgez. Et la ot grant fuisson de signeurs, et n’espouse
rent pas lors. Car li filz et la fille estoient pour le tamps moult jone, mais pb 187 r