Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Leiden VGGF 9 (vol. 2)
Previous | Folio 189 r | Next
pb 189 r
Jehan de Castille et celi de Portingal. Car la estoit la guerre renouvelee, et
estoit madame d’Ango, qui s’escripsoit roine de Napplez de Jherusalem, venue en
Avignon daléz le pappe, et tenoit son hostel, et son fil le roy Loeis avoecq
luy, qui s’appelloit rois, dou cille que sez perez avoit conquis, et avoit in
tencion la roine de faire guerre a Prouvence, se li Prouvencel ne le reconnisso
ient a dame et venoient en se obeissance, et ja estoit messires Bernars de
la Salle entréz en Prouvence et y faissoit guerre pour ly. Et se tenoit pour
le tamps ly sirez de Couchi en Avignon. Car bien XV sepmainez il fu
au lit d’une keute de un cheval, dont il ot la jambe durement mesaisie,
quant il fu regaris, il visitoit souvent la roine et le reconfortoit enssi
que bien faire le savoit. Et atendoit le roine le duc de Berry, qui estoit
mis au chemin, qui s’en venoit en Avignon, pour parler au pappe et pour
aidier sa belle soer la roine. Car ly rois de France et si oncle envoioient
en Prouvence messire Loeis de Sanssoire, mareschal de France, atout VC hommez
d’armez, pour iier les Prouvenchiaux, se il ne venoient a obeissance.
Ly aucun y estoient venu, et non pas tout, mais toutezfois la cittéz de
Marselle et la grignour partie de Prouvence se rendoient a la roine,
mais la cité de Ais en Provence et Tarascon et aucun chevalier dou
païs ne s’i voloient rendre. Car il dissoient que elle n’y avoit nul droit
de calengier et demander la duceé de Prouvence, jusquez adont que
elle seroit paisiblement recheue a dame, et sez filz receux a roy, a Puille,
en Calabre, en Napplez et en Sesille. Et quant elle en monsteroit possession
paisible, toute Prouvence obeiroit a ly, et che seroit raisons. En ces
marcez par de dela faissoient guerre pour ly contre ceux de la Paix et les
Neapolitains, ly contez de Conversant et messires Jehans de Luxembourc, ses
filz, et, daléz la roine en Avignon, de son conseil especial se tenoit messires
Jehans de Luel.
SHF 2-435 sync En celle saison avint une autre incidense mervilleuse en Lombardie
et de la quelle on parla mout par le monde. Et fu dou conte de Vertus
qui s’appelloit messires Galeas, a son oncle le plus grant signeur de tous
en Lombardie, messire Bernabos. Messires Galeas et messires Bernabo, qui avoient
esté frere et resgné ensamble aséz paisiblement et gouvrené frarelment
toute Lombardie, ly uns y tenoit de signourie IX citéz, et ly autrez X.
Et Melans aloit un an ou gouvrenement de l’un, et puis retournoit a
l’autre an ou gouvrenement de l’autre. Quant messires Galeas, peres
au conte de Vertus, fu mors, si se eslongierent lez amours de l’oncle au pb 189 v